Fletcher: Verðum að sýna við erum nógu góðir fyrir United

Tímabili Manchester United er sama og lokið eftir að liðið féll úr Meistaradeildinni í gærkvöldi þegar það tapaði fyrir Bayern München, 3-1, á útivelli og samanlagt, 4-2.

United á fimm leiki eftir í deildinni og er sjö stigum frá Meistaradeildarsæti. Nú spila menn meira og minna bara upp á heiðurinn á Old Trafford fram á vor en líka fyrir áframhaldandi veru hjá liðinu.

„Strákarnir verða að spila vel til að vera í framtíðaráformum stjórans fyrir næstu leiktíð,“ segir DarrenFletcher, miðjumaður liðsins.

Moyes er sagður fá pening til að versla í sumar og á að eyða í leikmenn á borð við ToniKroos, leikmann Bayern, og IlkayGündogan, leikmann Dortmund.

„Það er mikið talað um breytingar þannig ef maður fær tækifæri til að spila verður maður að nýta það og sýna stjóranum að maður vilji vera áfram hjá United og auðvitað að maður sé nógu góður,“ segir Darren Fletcher.