Sjáðu glæsimark Stefáns á Skaganum
ÍA og Grindavík áttust við í frestuðum leik á Akranesi í 20.umferð Pepsi-Max deildar karla í dag. Leikurinn átti upphaflega að fara fram í gær en var frestað vegna veðurs.
Unglingalandsliðsmaðurinn Stefán Teitur Þórðarson kom heimamönnum yfir með glæsimarki beint úr aukaspyrnu.
Varnarjaxlinn Josip Zeba jafnaði metin fyrir gestina skömmu fyrir leikslok og hélt Grindvíkingum þar með á lífi í fallbaráttunni en liðið þarf þó að treysta á kraftaverk í lokaumferðum mótsins til að halda sæti sínu meðal þeirra bestu.
Mörkin má sjá í spilaranum neðst í fréttinni.
Tengdar fréttir
Túfa: Brekkan hefur verið meirihluta sumars og það er ekkert nýtt
Srdjan Tufegdzic eða Túfa, þjálfari Grindavíkur, var ekki ánægður með uppskeruna í dag en lið hans náði einungis í eitt stig gegn ÍA í dag.
Umfjöllun, viðtöl og einkunnir: ÍA 1-1 Grindavík | Grindvíkingar björguðu stigi og sætinu tímabundið á Skaganum
Grindavík á nánast ómögulegt verk fyrir höndum að reyna að halda sér uppi eftir jafntefli gegn ÍA.
