Ungstirni Arsenal halda áfram að raða inn mörkum

Enska úrvalsdeildarliðið Arsenal hélt sigurgöngu sinni á undirbúningstímabilinu áfram í gærkvöldi þegar liðið vann öruggan 3-0 sigur á ítalska úrvalsdeildarliðinu Fiorentina. Hefur Arsenal þar með unnið alla þrjá leiki sína til þessa á ferðalagi sínu um Bandaríkin.

Hinn tvítugi Eddie Nketiah kom Arsenal í 2-0 og hinn nítján ára gamli Joe Willock gulltryggði 3-0 sigur Arsenal skömmu fyrir leikslok en skærustu stjörnur Lundúnarliðsins tóku þátt í leiknum að Pierre-Emerick Aubameyang undanskildum.

Nketiah sá um að tryggja Arsenal sigur á Bayern Munchen á dögunum og í 3-0 sigri á Colorado Rapids voru markaskorararnir Gabriel Martinelli (18 ára), Bukayo Saka (17 ára) og James Olayinka (18 ára).