Kallaðir inn á teppið vegna búninganna með fegurðardrottningarútlitið
Huddersfield Town er fallið úr ensku úrvalsdeildinni en nýr mjög svo sérstakur búningur liðsins hefur séð til þess að liðið er mikið í umræðunni þessa dagana.
Samfélagsmiðlar og fréttamiðlar hafa mikið skrifað um búninginn allt síðan að almenningur fór að heyra af þessari nýstárlegu búningahönnun.
Mikið hefur þannig verið gert grín af þessum nýja búningi Huddersfield Town sem er með mjög stóra og sérstaka auglýsingu framan á búningnum. Það er nefnilega auglýsingin sem er að kalla á öll þessi viðbrögð og alla þessa stríðni á netmiðlum.
Huddersfield Town have been contacted by the Football Association about the large sponsors' logo the Championship side have said will feature on their kit for the 2019-20 season.
Full story https://t.co/N6D9Xa3niB #htafc #bbcfootball pic.twitter.com/7thBDoXxno
— BBC Sport (@BBCSport) July 17, 2019
Veðbankinn Paddy Power var staðfestur sem aðalstyrktaraðili félagsins á komandi tímabili og það fer ekkert á milli mála þegar menn sjá búninginn.
Huddersfield Town lék sinn fyrsta leik í búningnum í gær í æfingarleik á móti Rochdale.
Some pictures from this evening's game at The Crown Oil Arena.#htafc pic.twitter.com/7ZIyEOAVTE
— Huddersfield Town (@htafc) July 17, 2019
Mjög líklegt er að Huddersfield Town og Paddy Power séu þarna að brjóta reglur. Enska knattspyrnusambandið hefur nefnilega kallað forráðamenn félagsins inn á teppið. Enska sambandið sendi frá sér yfirlýsingu þar sem er ítrekað að enska sambandið hafi mjög skýrar reglur þegar kemur að stærð og gerð auglýsinga á búningum félaga.
Sambandið hefur gert athugasemdir við stærð auglýsingarinnar framan á búningnum sem minnir helst á borða sem fegurðardrottningar hafa borið framan á sér í gegnum tíðina.
Huddersfield Town homecoming queen 2019 #htafc pic.twitter.com/IAsL9Vmnf6
— Tom McDermott (@MrTomMcDermott) July 17, 2019
Forráðamenn Huddersfield þurfa nú að útskýra uppsetningu búningsins fyrir enska knattspyrnusambandinu og það er mjög líklegt að það dugi ekki til.
Mestar líkur eru á því að nýr búningur félagsins verði bannaður og Huddersfield þarf því að finna sér nýjan búning fyrir fyrsta leik í ensku b-deildinni í ágúst.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
