HK vann 2-1 sigur á Breiðablik í Kópavogsslag í 12. umferð Pepsi Max-deildarinnar í gærkvöldi en liðin mættust á Kópavogsvelli.
Atli Arnarson skoraði bæði mörk HK en þeir hvítu og rauðu komust í 2-0 forystu í leiknum. Varamaðurinn, Þórir Guðjónsson, minnkaði muninn undir lokin en nær komust þeir ekki og mikilvægur sigur nýliðanna í höfn.
Sigurinn verður enn athyglisverðari er litið er á tölfræði leiksins frá tölfræðiveitunni InStat. HK átti í heildina sjö skot í átt að marki Blika og þrjú þeirra fóru á markið. Tvö þeirra enduðu í netinu.
Blikarnir skutu hins vegar og skutu. Þeir áttu samtals 25 skot en einungis sex af þeim rötuðu á markið. Arnar Freyr Ólafsson stóð vaktina vel í marki HK en það var einungis skalli Þóris Guðjónssonar sem rataði í netið.
Heimamenn í Breiðablik voru einnig mun meira með boltann. Þeir voru 60% með boltann en HK 40%. Það sást einnig í fjölda heppnaðra sendinga en Breiðablik náði að gefa boltann 444 sinnum á milli sín en HK 193 sinnum.
Blikarnir unnu líka 71 prósent af tæklingum sínum í leiknum og unnu líka 67 prósent af öllum skallaeinvígum. Með öðrum orðum þeir voru með mikla yfirburði í tölfræðinni.
Sú eina tölfræði sem skiptir þó raunverulega máli eru mörk skoruð og þar höfðu HK-ingar betur. Þeir eru komnir með ellefu stig en eru þó enn í ellefta sætinu.
Blikarnir eru nú sjö stigum á eftir toppliði KR og róðurinn þyngist hjá þeim í toppbaráttunni.
Leikur Breiðabkliks og HK í tölum:
Skot í leiknum: Breiðablik +18 (25-7)
Tími með boltann: Breiðablik +20% (60%-40%)
Heppnaðar sendingar: Breiðablik +251 (444-193)
Unnin skallaeinvígi: Breiðablik +23 (46-23)
Unnin samstuð: Breiðablik +34 (114-80)
HK þurfti bara þrjú skot á markið til þess að vinna Breiðablik

Tengdar fréttir

Aron Bjarnason fer frá Breiðablik 20. júlí
Þróttarinn uppaldi er á leið til Ungverjalands.

Umfjöllun, viðtöl og einkunnir: Breiðablik - HK 1-2 │Atli afgreiddi Breiðablik
KR er með sjö stiga forskot á toppi deildarinnar eftir tap Blika í kvöld og HK er komið lengra frá botninum.

Ágúst: Þeir byrjuðu ekki þennan leik og það var mín ákvörðun
Var ósammála blaðamanni um að leikurinn hafi spilast svipað og fyrri leikurinn.

Brynjar Björn: Allir sem eru í kringum fótboltann eru á markaðnum
Brynjar Björn Gunnarsson var stoltur af sínum drengjum í kvöld.