Sky Sports segir United úr sögunni hjá De Ligt
Matthijs De Ligt, varnarmaður Ajax, mun ekki ganga í raðir Manchester United herma heimildir Sky Sports. United er út úr myndinni hjá Hollendingnum.
Vísir greindi frá því í gær að spænsk útvarpsstöð sagði að De Ligt væri að færast nær Manchester United en United á að hafa boðið honum ansi myndarlegan samning.
Manchester United have ruled out a move for Ajax defender Matthijs De Ligt, according to Sky sources.
— Sky Sports News (@SkySportsNews) May 26, 2019
Nú greinir Sky Sports frá því að United hafi dregið sig út úr samkeppninni um Hollendinginn sem fór með Ajax alla leið í undanúrslit Meistaradeildarinnar.
Barcelona er nú talinn líklegasti áfangastaðurinn fyrir hollenska miðvörðinn en Frenkie De Jong, samherji hans hjá Ajax, er nú þegar genginn í raðir Börsunga.
Tengdar fréttir
Spænsk útvarpsstöð segir De Ligt nálgast United
Er United að krækja í einn besta miðvörð heims?
„De Ligt sá eini sem getur tekið við keflinu af Kompany“
Fyrrverandi leikmaður Mancheser City segir að fyrirliði Ajax væri fullkominn eftirmaður Vincents Kompany hjá félaginu.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
