Spilaði gegn Messi síðasta sumar en þjálfar í 3. deildinni á Íslandi í sumar
Birkir Már Sævarsson, leikmaður Vals og íslenska landsliðsins í knattspyrnu, hefur verið ráðinn annar þjálfari KH, Knattspyrnufélags Hlíðarenda, fyrir tímabil sumarsins.
KH tilkynnti þetta í kvöld en nýtt þjálfarateymi var tilkynnt eftir að Arnar Steinn Einarsson þurfti frá að hverfa vegna anna á öðrum vígsstöðvum.
Enginn annar en Birkir Már Sævarsson mun taka við liðinu ásamt Hallgrími Dan en þeir munu þjálfa liðið í sameiningu.
Tilkynning
Hallgrímur Dan og Birkir Már þjálfa KH í sumar.
Arnar Steinn hverfur frá störfum sem þjálfari KH vegna anna á öðrum vígstöðum.#PlayToInspire pic.twitter.com/OxRxm91QaI
— KH (@KHlidarendi) April 15, 2019
Það verður því nóg að gera hjá Birki í sumar en hann mun spila með Val, þjálfa hjá KH og einnig spila með íslenska landsliðinu mikilvæga undankeppnisleiki í júní.
KH leikur í 3. deildinni, fjórðu efstu deild á Íslandi, en þeir duttu út úr Mjólkurbikarnum um liðna helgi er þeir töpuðu 1-0 fyrir KFR.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
