Sjáðu markaveisluna úr leikjum kvöldsins í Pepsi Max-deildinni

Fjórtán mörk voru skoruð í leikjunum þremur í Pepsi Max-deild karla í kvöld.

Fylkir gerði sér lítið fyrir og vann 4-3 sigur á toppliði Breiðabliks í Árbænum. Valdimar Þór Ingimundarson skoraði tvö mörk og lagði upp eitt fyrir Fylkismenn sem eru komnir upp í 4. sæti deildarinnar eftir tvo sigra í röð.

FH og Stjarnan gerðu 2-2 jafntefli í Kaplakrika. Stjörnumenn komust 0-2 yfir með tveimur mörkum Hilmars Árna Halldórssonar en FH-ingar jöfnuðu með tveimur mörkum á þriggja mínútna kafla. Steven Lennon, sem var í byrjunarliði FH í fyrsta sinn í sumar, skoraði jöfnunarmarkið á 70. mínútu.

Þá bar Víkingur R. sigurorð af HK, 2-1, í vígsluleik nýja gervigrasvallarins í Víkinni. Þetta var fyrsti sigur Víkinga í deildinni í sumar.

Mörkin úr leikjum kvöldsins má sjá hér fyrir neðan.

Fylkir 4-3 Breiðablik  

FH 2-2 Stjarnan  

Víkingur R. 2-1 HK