Tímabært að fá nýja áskorun Ingvi Þór Sæmundsson skrifar 15. desember 2017 06:00 Aron Einar Gunnarsson í leik með Cardiff í ensku B-deildinni. Fréttablaðið/Getty Aron Einar Gunnarsson hefur verið fjarri góðu gamni í níu af síðustu 11 leikjum Cardiff City í ensku B-deildinni. Landsliðsfyrirliðinn glímir við meiðsli í ökkla sem hafa áður haldið honum frá keppni og háðu honum m.a. í undirbúningnum fyrir EM í Frakklandi í fyrra. „Ég er að koma til. Þetta eru gömul meiðsli sem hafa verið í 6-7 ár. Þau tóku sig upp eftir Birmingham-leikinn [13. október]. Um leið og ég byrja að hlaupa bólgnar þetta upp því beinið ýtir á liðböndin. Við prófuðum að sprauta inn í þetta til að losa um. Það hefur virkað aðeins,“ sagði Aron Einar sem gæti þurft að fara undir hnífinn til að fá bót meina sinna. „Það er búið að ræða mikið um það. Það eru góðar líkur á því. Við ætlum að sjá hvernig þetta verður á næstu 3-4 dögum,“ sagði Aron Einar. Hann segir erfitt að fylgjast með utan vallar. Hann huggar sig þó við að gengi Cardiff hefur verið gott. Liðið hefur fengið 13 stig af 15 mögulegum í síðustu fimm leikjum og situr í 2. sæti ensku B-deildarinnar, fjórum stigum á eftir toppliði Wolves. „Þetta er erfitt. Ég vil vera með og leggja mitt af mörkum. Sem betur fer hefur liðið spilað vel, náð í góð úrslit og haldið dampi,“ sagði Aron Einar. Neil Warnock, knattspyrnustjóri Cardiff, greindi frá því á dögunum að Aron Einar myndi yfirgefa liðið ef það kæmist ekki upp í ensku úrvalsdeildina í vor. Aron Einar segir að Warnock hafi farið með rétt mál.Ekki leyndarmál lengur „Hann segir nú oftast rétt frá. Við höfum spjallað mikið um þetta og hann veit mína stöðu hjá Cardiff. Þetta er tíunda tímabilið mitt á Englandi og níu þeirra hafa verið í B-deildinni sem tekur líkamlega á. Það fer mikil orka í leikina. Ég tjáði honum það fyrir ári að ef við færum ekki upp myndi ég leita annað. Hann skildi það alveg. Þeir hafa boðið mér nýjan samning en vita hvar ég stend með þetta. Sem betur fer þarf ég ekki að fara leynt með það lengur því hann tjáði sig um það,“ sagði Aron Einar en samningur hans við Cardiff rennur út í sumar.Áhugi frá Varsjá Í sumar bárust fréttir um að Legia Varsjá hefði áhuga á að fá Aron Einar til liðsins. Hann segir að umboðsmaður sinn hafi farið til Póllands, rætt við forráðamenn Legia en ekkert hafi orðið af félagaskiptunum. „Hann fór og spjallaði við þá. Það er alveg rétt að þeir vildu fá mig. En ég var með samning við Cardiff og tilboðið var bara ekki nógu hátt. Þannig endaði það. Ég var ekki að ýta á eftir einu né neinu,“ sagði Aron Einar.Ég er ekki að kvarta Miðjumaðurinn öflugi hefur leikið alls 334 leiki í B-deildinni. En hvernig er tilfinningin að vera á síðasta tímabilinu sínu í þessari sterku deild? „Frábær. Þetta er gífurlega erfið deild, að komast upp úr henni. Hún er erfið líkamlega, að spila alla þessa leiki á svona háu tempói. Þegar ég skrifaði undir þennan samning við Cardiff vissi ég að ég myndi ekki spila lengur í B-deildinni þegar hann væri útrunninn,“ sagði Aron Einar og bætti við að líkaminn væri í ágætis ásigkomulagi þrátt fyrir öll árin í B-deildinni. „Ég er ekki að kvarta. Maður þarf líka að fá öðruvísi áskorun. Líkaminn er góður, ég er ekki að kvarta yfir því. Það er bara að komast í nýtt í umhverfi og prófa sig á öðrum vettvangi.“ Enski boltinn Mest lesið Mari Järsk sigurvegari Bakgarðshlaupsins Sport Mari meyr eftir sigurinn Sport Áflogaseggir fá ekki að mæta aftur á völlinn Körfubolti Uppgjör og viðtöl: Breiðablik - Valur 2-3 | Manni færri héldu gestirnir út Íslenski boltinn Crystal Palace lék sér að Man United Enski boltinn Stórfurðuleg atburðarás þegar markvörður KR sá rautt Íslenski boltinn Þorleifur horfði á Íslandsmet sitt falla: „Kom á óvart“ Sport Þambar kakó og rjóma eftir magnað afrek: „Upp og niður eins og lífið“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Fleiri fréttir Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Sjá meira
Aron Einar Gunnarsson hefur verið fjarri góðu gamni í níu af síðustu 11 leikjum Cardiff City í ensku B-deildinni. Landsliðsfyrirliðinn glímir við meiðsli í ökkla sem hafa áður haldið honum frá keppni og háðu honum m.a. í undirbúningnum fyrir EM í Frakklandi í fyrra. „Ég er að koma til. Þetta eru gömul meiðsli sem hafa verið í 6-7 ár. Þau tóku sig upp eftir Birmingham-leikinn [13. október]. Um leið og ég byrja að hlaupa bólgnar þetta upp því beinið ýtir á liðböndin. Við prófuðum að sprauta inn í þetta til að losa um. Það hefur virkað aðeins,“ sagði Aron Einar sem gæti þurft að fara undir hnífinn til að fá bót meina sinna. „Það er búið að ræða mikið um það. Það eru góðar líkur á því. Við ætlum að sjá hvernig þetta verður á næstu 3-4 dögum,“ sagði Aron Einar. Hann segir erfitt að fylgjast með utan vallar. Hann huggar sig þó við að gengi Cardiff hefur verið gott. Liðið hefur fengið 13 stig af 15 mögulegum í síðustu fimm leikjum og situr í 2. sæti ensku B-deildarinnar, fjórum stigum á eftir toppliði Wolves. „Þetta er erfitt. Ég vil vera með og leggja mitt af mörkum. Sem betur fer hefur liðið spilað vel, náð í góð úrslit og haldið dampi,“ sagði Aron Einar. Neil Warnock, knattspyrnustjóri Cardiff, greindi frá því á dögunum að Aron Einar myndi yfirgefa liðið ef það kæmist ekki upp í ensku úrvalsdeildina í vor. Aron Einar segir að Warnock hafi farið með rétt mál.Ekki leyndarmál lengur „Hann segir nú oftast rétt frá. Við höfum spjallað mikið um þetta og hann veit mína stöðu hjá Cardiff. Þetta er tíunda tímabilið mitt á Englandi og níu þeirra hafa verið í B-deildinni sem tekur líkamlega á. Það fer mikil orka í leikina. Ég tjáði honum það fyrir ári að ef við færum ekki upp myndi ég leita annað. Hann skildi það alveg. Þeir hafa boðið mér nýjan samning en vita hvar ég stend með þetta. Sem betur fer þarf ég ekki að fara leynt með það lengur því hann tjáði sig um það,“ sagði Aron Einar en samningur hans við Cardiff rennur út í sumar.Áhugi frá Varsjá Í sumar bárust fréttir um að Legia Varsjá hefði áhuga á að fá Aron Einar til liðsins. Hann segir að umboðsmaður sinn hafi farið til Póllands, rætt við forráðamenn Legia en ekkert hafi orðið af félagaskiptunum. „Hann fór og spjallaði við þá. Það er alveg rétt að þeir vildu fá mig. En ég var með samning við Cardiff og tilboðið var bara ekki nógu hátt. Þannig endaði það. Ég var ekki að ýta á eftir einu né neinu,“ sagði Aron Einar.Ég er ekki að kvarta Miðjumaðurinn öflugi hefur leikið alls 334 leiki í B-deildinni. En hvernig er tilfinningin að vera á síðasta tímabilinu sínu í þessari sterku deild? „Frábær. Þetta er gífurlega erfið deild, að komast upp úr henni. Hún er erfið líkamlega, að spila alla þessa leiki á svona háu tempói. Þegar ég skrifaði undir þennan samning við Cardiff vissi ég að ég myndi ekki spila lengur í B-deildinni þegar hann væri útrunninn,“ sagði Aron Einar og bætti við að líkaminn væri í ágætis ásigkomulagi þrátt fyrir öll árin í B-deildinni. „Ég er ekki að kvarta. Maður þarf líka að fá öðruvísi áskorun. Líkaminn er góður, ég er ekki að kvarta yfir því. Það er bara að komast í nýtt í umhverfi og prófa sig á öðrum vettvangi.“
Enski boltinn Mest lesið Mari Järsk sigurvegari Bakgarðshlaupsins Sport Mari meyr eftir sigurinn Sport Áflogaseggir fá ekki að mæta aftur á völlinn Körfubolti Uppgjör og viðtöl: Breiðablik - Valur 2-3 | Manni færri héldu gestirnir út Íslenski boltinn Crystal Palace lék sér að Man United Enski boltinn Stórfurðuleg atburðarás þegar markvörður KR sá rautt Íslenski boltinn Þorleifur horfði á Íslandsmet sitt falla: „Kom á óvart“ Sport Þambar kakó og rjóma eftir magnað afrek: „Upp og niður eins og lífið“ Sport Freyr nærri kraftaverki: „Þetta var fokking taugatrekkjandi“ Fótbolti Baunað á Brady: „Þín verður ávallt minnst sem tíkar Eli Manning“ Sport Fleiri fréttir Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Sjá meira