Klopp: Áttum að fá víti

Jurgen Klopp var ekki sáttur eftir jafntefli sinna manna í Liverpool gegn Newcastle í dag.

„Ég er vonsvikinn, pirraður, hvað sem þú vilt. Heimavöllur Newcastle er erfiður fyrir öll lið,“ sagði Þjóðverjinn Klopp eftir leikinn.

„Við skoruðum frábært mark og bjuggum til góð færi. Við skutum boltanum yfir jafnvel þegar markið var tómt. Við bjuggum til fimm eða sex framúrskarandi færi. Venjulega skorum við úr einu slíku.“

„Þeir fengu eitt færi og skoruðu. Manni finnst það ekki sanngjarnt. Við hefðum átt að fá víti, ég veit ekki hvað annað hann hefði þurft að gera [til þess að fá dæmt víti], klæða hann úr treyjunni?“

Liverpool hefur gert þrjú jafntefli í fyrstu sjö deildarleikjum tímabilsins.