Ef Arsenal tapar fyrir Bournemouth á Emirates á laugardaginn verður það versta byrjun liðsins í 35 ár. Það verður jafnframt versta byrjun Arsenal síðan enska úrvalsdeildin var sett á laggirnar tímabilið 1992-93.
Arsenal byrjaði tímabilið á að vinna dramatískan 4-3 sigur á Leicester City. Lærisveinar Arsenes Wenger töpuðu svo fyrir Stoke City og steinlágu fyrir Liverpool í síðasta leiknum fyrir landsleikjahlé.
Eftir þrjár umferðir situr Arsenal í 16. sæti ensku úrvalsdeildarinnar með aðeins þrjú stig.
Arsenal fékk aðeins fjögur stig út úr fyrstu fjórum umferðunum tímabilin 1994-95 og 2011-12.
Tímabilið 1982-83 fékk Arsenal hins vegar einungis eitt stig út úr fyrstu fjórum umferðunum. Skytturnar töpuðu þá fyrir Stoke, Liverpool og Brighton en gerðu jafntefli við Norwich City.
Bournemouth eru í enn verri málum en Arsenal en lærisveinar Eddies Howe hafa ekki enn fengið stig í ensku úrvalsdeildinni á tímabilinu. Það verður því eitthvað undan að láta á Emirates á laugardaginn.
Hætta á verstu byrjun Arsenal í 35 ár
Tengdar fréttir
Er Wenger loksins komin á endastöð?
Andlausar Skyttur áttu engin svör gegn Liverpool í niðurlægjandi 4-0 tapi á Anfield í gær. Þetta var annað tap Arsenal í röð. Mörg spurningamerki hanga yfir Arsenal-liðinu sem er strax komið í eltingarleik eftir aðeins þrjár umferðir.
Lemar vildi fara til Arsenal
Thomas Lemar vildi fara til Arsenal eða Liverpool, samkvæmt Vadim Vasilyev, varaforseta Mónakó.
Wenger efaðist um sjálfan sig
Stjóri Arsenal dró það lengi að skrifa undir nýjan samning við Arsenal sem hann gerði þó síðastliðið vor.
Arsenal var nálægt því að klófesta Mbappe
Arsene Wenger reyndi að sannfæra franska táninginn um að ganga til liðs við Arsenal í sumar.
Wenger: Vorum á eftir Lemar og Mbappe
Arsene Wenger, stjóri Arsenal, staðfestir að Thomas Lemar, leikmaður Monaco, neitaði að ganga i raðir Arsenal í sumar. Einnig staðfesti Wenger að þeir hefðu haft áhuga á samherja Lemar, Kylian Mbappe.
Messan: Þarft að mæta til Liverpool með menn sem eru tilbúnir að leggja sig fram
Sérfræðingar Messunnar, Ríkharður Daðason og Jóhannes Karl Guðjónsson, furða sig á liðsvali Arsene Wenger, knattspyrnustjóra Arsenal, í stórleiknum gegn Liverpool um helgina.
Özil: Hættið að tala og styðjið liðið
Mesut Özil vill að fyrrum leikmenn Arsenal hætti að tala og fari að styðja liðið.
