Sá elsti heldur uppi heiðri gamla skólans Henry Birgir Gunnarsson skrifar 18. desember 2017 06:00 Hress. Hodgson er að vekja uppeldisfélagið til lífsins. vísir/getty Það hlógu margir þann 12. september síðastliðinn er Crystal Palace ákvað að ráða Roy gamla Hodgson sem knattspyrnustjóra félagsins. Þeir hinir sömu hlæja ekki mikið í dag. Hodgson hafði þá verið atvinnulaus síðan hann sagði starfi sínu sem landsliðsþjálfari Englands lausu eftir tapið fyrir Íslandi á EM. Flestir héldu að hann fengi hreinlega ekki annað starf á ferlinum enda varð hann sjötugur í ágúst. Tankurinn er tómur sagði fólk. Kallinn er búinn að vera. Þegar Hodgson tók við liðinu var Palace í ákaflega vondri stöðu. Liðið var búið að tapa öllum fjórum leikjum sínum í deildinni og ekki búið að skora eitt einasta mark. Það var afar fátt sem hreinlega benti til þess að liðið gæti skorað. Það var allt í molum hjá félaginu.Í góðum félagsskap Stjórn Palace ákvað að reka Hollendinginn Frank de Boer eftir aðeins 77 daga í starfi og ákvað þess í stað að setja allt sitt traust á Hodgson. Félagið gaf honum tveggja ára samning. Galið, fannst ansi mörgum. Hodgson var þá fyrsti stjórinn yfir sjötugu sem fær þjálfarasamning í ensku úrvalsdeildinni og aðeins sá þriðji yfir sjötugu sem þjálfar í deildinni. Hinir voru sörarnir Bobby Robson og Alex Ferguson en það þurfti ekki að bjóða þeim neinn samning eftir sjötugt. Þeir voru í vinnu. Ekki ónýtur félagsskapur þarna hjá Hodgson.Loksins kominn heim Hodgson er alinn upp hjá Palace og mikill stuðningsmaður félagsins. Hann spilaði með unglingaliði félagsins frá 1963 til 1965 og svo með aðalliðinu leiktíðina 1965-66. Síðan þá hefur hann ekki unnið fyrir sitt félag en fékk tækifærið sjötugur eftir að hafa farið út um allan heim að þjálfa frá árinu 1976. Þjálfaraferillinn spannar því yfir 40 ár en fyrsta liðið sem hann þjálfaði var Halmstad í Svíþjóð. Róm var ekki byggð á einum degi og það tók Hodgson tíma að berja sjálfstraust og trú í lið Palace. Fyrsti sigurinn undir hans stjórn kom í öðrum leik er liðið skellti Huddersfield í deildabikarnum.Byrjaði á að vinna Chelsea Fyrsti sigurinn í deildinni kom þó ekki fyrr en í fjórða leik liðsins undir hans stjórn þar. Sá sigur var líka af dýrari gerðinni. 2-1 sigur á Chelsea þann 14. október eða rúmum mánuði eftir að hann tók við liðinu. Í hönd fóru betri tímar. Palace sat lengi fast á botni úrvalsdeildarinnar en smám saman kom sjálfstraust og stöðugleiki í liðið. Nú er staðan sú að það hefur ekki tapað í sjö leikjum í röð í deildinni sem er ótrúlegt. Liðið hefur unnið þrjá af þessum sjö leikjum og fjórir hafa endað með jafntefli. Síðasti tapleikur liðsins var þann 5. nóvember gegn Tottenham. Liðið hefur ekki tapað leik í tæplega einn og hálfan mánuð og á næst leik gegn Swansea á Þorláksmessu.Það er gaman hjá Hodgson.vísir/gettyLoksins mörk á útivelli Palace er búið vinna tvo leiki í röð og 0-3 útisigurinn á Leicester um helgina var einkar glæsilegur. Sérstaklega í ljósi þess að liðið hafði ekki skorað í tíu útileikjum í röð. Það er líka búið að halda hreinu í þremur útileikjum í röð en það er í fyrsta sinn í sögu Palace sem liðið nær þeim árangri. Eftir langa veru í fallsæti er Palace nú tveimur stigum fyrir ofan fallsæti. Þeir voru ekki margir sem sáu það gerast fyrir jól eða yfirhöfuð. Liðið var dauðadæmt að flestra mati og þá sérstaklega þar sem félagið ákvað að ráða Hodgson.Leið illa á botninum Sá gamli hefur sýnt að hann kann enn ýmislegt fyrir sér í fræðunum og heldur áfram að troða upp í efasemdarmenn. „Okkar leið illa á botninum og það var oft erfitt að horfa upp töfluna og sjá hvað við vorum langt á eftir öllum hinum," sagði Hodgson. „En við höfum leikið mjög vel síðustu vikur og ef við spilum svona alveg fram í maí eigum við mjög góða möguleika á því að bjarga sæti okkar í deildinni. Liðið er að spila vel og því kom þessi sigur mér ekki á óvart." Hodgson þarf svo að sveifla töfrasprotanum með stæl á milli jóla og nýárs en þá spilar lið hans við bæði Arsenal og Man. City. Alvöru próf sem Palace fær þar. Enski boltinn Mest lesið Aðalsteinsdóttir nafnið á nýrri æfingu Sport Reiður Einar hellti sér yfir eftirlitsdómarana Handbolti Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Sjá meira
Það hlógu margir þann 12. september síðastliðinn er Crystal Palace ákvað að ráða Roy gamla Hodgson sem knattspyrnustjóra félagsins. Þeir hinir sömu hlæja ekki mikið í dag. Hodgson hafði þá verið atvinnulaus síðan hann sagði starfi sínu sem landsliðsþjálfari Englands lausu eftir tapið fyrir Íslandi á EM. Flestir héldu að hann fengi hreinlega ekki annað starf á ferlinum enda varð hann sjötugur í ágúst. Tankurinn er tómur sagði fólk. Kallinn er búinn að vera. Þegar Hodgson tók við liðinu var Palace í ákaflega vondri stöðu. Liðið var búið að tapa öllum fjórum leikjum sínum í deildinni og ekki búið að skora eitt einasta mark. Það var afar fátt sem hreinlega benti til þess að liðið gæti skorað. Það var allt í molum hjá félaginu.Í góðum félagsskap Stjórn Palace ákvað að reka Hollendinginn Frank de Boer eftir aðeins 77 daga í starfi og ákvað þess í stað að setja allt sitt traust á Hodgson. Félagið gaf honum tveggja ára samning. Galið, fannst ansi mörgum. Hodgson var þá fyrsti stjórinn yfir sjötugu sem fær þjálfarasamning í ensku úrvalsdeildinni og aðeins sá þriðji yfir sjötugu sem þjálfar í deildinni. Hinir voru sörarnir Bobby Robson og Alex Ferguson en það þurfti ekki að bjóða þeim neinn samning eftir sjötugt. Þeir voru í vinnu. Ekki ónýtur félagsskapur þarna hjá Hodgson.Loksins kominn heim Hodgson er alinn upp hjá Palace og mikill stuðningsmaður félagsins. Hann spilaði með unglingaliði félagsins frá 1963 til 1965 og svo með aðalliðinu leiktíðina 1965-66. Síðan þá hefur hann ekki unnið fyrir sitt félag en fékk tækifærið sjötugur eftir að hafa farið út um allan heim að þjálfa frá árinu 1976. Þjálfaraferillinn spannar því yfir 40 ár en fyrsta liðið sem hann þjálfaði var Halmstad í Svíþjóð. Róm var ekki byggð á einum degi og það tók Hodgson tíma að berja sjálfstraust og trú í lið Palace. Fyrsti sigurinn undir hans stjórn kom í öðrum leik er liðið skellti Huddersfield í deildabikarnum.Byrjaði á að vinna Chelsea Fyrsti sigurinn í deildinni kom þó ekki fyrr en í fjórða leik liðsins undir hans stjórn þar. Sá sigur var líka af dýrari gerðinni. 2-1 sigur á Chelsea þann 14. október eða rúmum mánuði eftir að hann tók við liðinu. Í hönd fóru betri tímar. Palace sat lengi fast á botni úrvalsdeildarinnar en smám saman kom sjálfstraust og stöðugleiki í liðið. Nú er staðan sú að það hefur ekki tapað í sjö leikjum í röð í deildinni sem er ótrúlegt. Liðið hefur unnið þrjá af þessum sjö leikjum og fjórir hafa endað með jafntefli. Síðasti tapleikur liðsins var þann 5. nóvember gegn Tottenham. Liðið hefur ekki tapað leik í tæplega einn og hálfan mánuð og á næst leik gegn Swansea á Þorláksmessu.Það er gaman hjá Hodgson.vísir/gettyLoksins mörk á útivelli Palace er búið vinna tvo leiki í röð og 0-3 útisigurinn á Leicester um helgina var einkar glæsilegur. Sérstaklega í ljósi þess að liðið hafði ekki skorað í tíu útileikjum í röð. Það er líka búið að halda hreinu í þremur útileikjum í röð en það er í fyrsta sinn í sögu Palace sem liðið nær þeim árangri. Eftir langa veru í fallsæti er Palace nú tveimur stigum fyrir ofan fallsæti. Þeir voru ekki margir sem sáu það gerast fyrir jól eða yfirhöfuð. Liðið var dauðadæmt að flestra mati og þá sérstaklega þar sem félagið ákvað að ráða Hodgson.Leið illa á botninum Sá gamli hefur sýnt að hann kann enn ýmislegt fyrir sér í fræðunum og heldur áfram að troða upp í efasemdarmenn. „Okkar leið illa á botninum og það var oft erfitt að horfa upp töfluna og sjá hvað við vorum langt á eftir öllum hinum," sagði Hodgson. „En við höfum leikið mjög vel síðustu vikur og ef við spilum svona alveg fram í maí eigum við mjög góða möguleika á því að bjarga sæti okkar í deildinni. Liðið er að spila vel og því kom þessi sigur mér ekki á óvart." Hodgson þarf svo að sveifla töfrasprotanum með stæl á milli jóla og nýárs en þá spilar lið hans við bæði Arsenal og Man. City. Alvöru próf sem Palace fær þar.
Enski boltinn Mest lesið Aðalsteinsdóttir nafnið á nýrri æfingu Sport Reiður Einar hellti sér yfir eftirlitsdómarana Handbolti Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Sjá meira