Segir Fabregas ekki vera með öruggt sæti í liðinu lengur

Guus Hiddink, knattspyrnustjóri Chelsea, segir að Cesc Fabregas, miðjumaður liðsins, eigi ekki lengur öruggt sæti í byrjunarliði Chelsea og að hann gæti þurft að sætta sig að sitja á bekknum í leikjum.

Hiddink tók Fabregas af velli í hálfleik í fyrsta leik Chelsea undir stjórn Hiddink, 2-2 jafntefli gegn Watford og kom ekki við sögu í 0-0 jafntefli gegn Manchester United á mánudaginn vegna veikinda.

Fabregas er klár í slaginn á nýjan leik en Hiddink segir að það þýði ekki að spænski miðjumaðurinn fari beint inn í byrjunarlið Chelsea. Honum verði fórnað ef þess sé þörf til að liðið geti varist betur.

„Ég vel miðjumennina eftir því hver mótherjinn er, stundum mun ég velja Mikel og stundum mun ég velja Cesc eða einhvern annan miðjumann. Þetta snýst um að finna jafnvægi fyrir liðið og hver styrkleiki mótherjanna er.“