Umboðsmaður: Ragnar launahæstur hjá Fulham

Ragnar Sigurðsson er nú orðinn launahæsti leikmaður Fulham en það fullyrðir umboðsmaður hans, Martin Dahlin, á Instagram-síðunni sinni.

Dahlin skrifaði í færslu sinni að Ragnar hefði skrifað undir afar hagstæðan samning og væri um leið orðinn launahæsti leikmaður liðsins.

Sjálfur sagði Ragnar í viðtali við Morgunblaðið í morgun að hann myndi lækka verulega í launum við það eitt að fara til Fulham frá Krasnodar í Rússlanid, þar sem hann hefur spilað undanfarin ár.

Sænskir fjölmiðlar fjölluðu um félagaskipti Ragnars og fullyrti Göteborgs-Posten að hann hefði kostað Fulham fjórar milljónir evra, jafnvirði 526 milljónum króna.

„Ég veit að ég kem til með að lækka verulega í launum með þessum félagaskiptum en ég er ekki í fótboltanum peninganna vegna. Ég vildi ólmur komast til Englands og ég get ekki beðið eftir því að byrja að spila þar,“ sagði Ragnar enn fremur við Morgunblaðið.

Icelandic Euro 2016 star Ragnar Sigurdsson just signed a very lucrative 2+1 year contract with Fulham FC. The contract makes him the highest paid player at the club. Ragnar had 2.5 very successful years with Russian top team Krasnodar but is now looking forward to spend the next couple of years in London and try to help Fullham win promotion. Congratulation and good luck Ragnar. #mdmtransfers #mdmplayers

A photo posted by Martin Dahlin Management (@martindahlinmanagement) on Aug 23, 2016 at 1:22pm PDT