Kallaður „Hinn nýi George Best“ en Ferguson lét hann rotna í varaliðinu

Það vita fáir í dag hver Giuliano Maiorana er en á sínum tíma var mikið látið með þennan leikmann sem fékk óvæntan samning hjá stórliði Manchester United í lok níunda áratugsins.  Maiorana gerir upp þennan tíma í athyglisverðu viðtali.

Giuliano Maiorana, sem lék árið 1988 með smáliði Histon í tíundu deild enska boltann en hann fékk óvænt að sýna sig fyrir Alex Ferguson, knattspyrnstjóra Manchester United, sem þurfti bara að horfa á fyrri hálfleikinn til að sannfærast.

Ferguson talaði seinna um að þetta hafi verið ein besta frammistaðan sem hann hafði séð hjá leikmanni á reynslu. Maiorana, þá 19 ára gamall, fékk í kjölfarið fjögurra ára samning hjá stórliði Manchester United og framtíðin virtist björt.

Saga Maiorana hjá Manchester United var hinsvegar ekkert ævintýri, í raun hrein martröð, og hann fer yfir þennan tíma í stóru viðtali við tímaritið Four Four Two, allt frá því þegar hann fékk nýtt nafn á fyrstu æfingunni hjá United þar til að fólk sé enn í dag að koma til hans og spyrja hvað hafi eiginlega orðið um hann.

Maiorana var mjög óhefðbundinn leikmaður sem gat tekið upp á ýmsu inn á vellinum. Hann var duglegur að próf fífldjarfa hluti og hinar ýmsu kúnstir með boltann. Þetta vakti mikla lukku meðal áhorfenda sem voru heilluðust og fóru að kalla hann hinn nýja George Best.

Ferguson var hinsvegar ekki hrifinn og ætlaði greinilega að koma guttanum niður á jörðina.

Maiorana segir frá því að Sir Alex Ferguson hafi lagt sig í einelti, gert ítrekað lítið úr sér fyrir framan liðsfélagana og látið hann síðan rotna í varaliðinu.

Maiorana talar um að Duncan Ferguson, sonur sir Alex, hafi margoft haldið fyrir andlitið þegar pabbi hans hafi byrjað á „eineltinu“ en á meðan aðrir hrósuðu honum fyrir frammistöðuna boðaði stjórinn hann einan á hlaupaæfingu daginn eftir.

Maiorana náði aðeins að leika sjö leiki fyrir Manchester United frá 1988 til 1989 en alvarleg hnémeiðsli í varaliðsleik enduðu ferilinn hans.

Ryan Giggs kom inn í Manchester United liðið aðeins seinna og var líkt við George Best. Giggs skapaði sér hinsvegar sitt nafn á Old Trafford og varð sigursælasti leikmaðurinn í sögu ensku úrvalsdeildarinnar.

Það er hægt að lesa þetta athyglisverða viðtal við Maiorana með því að smella hér.