Fótbolti

Eiður Smári í úrvalsliði UEFA skipað eldri leikmönnum

Ingvi Þór Sæmundsson skrifar
Eiður Smári Guðjohnsen, reyndasti leikmaðurinn í íslenska hópnum, er í draumaliði UEFA skipuðu leikmönnum 35 ára og eldri sem taka þátt á EM.

Óhætt er að segja að Eiður, sem er 37 ára, sé í góðum félagsskap en í liðinu má m.a. finna fyrrum samherja hans hjá Chelsea, Portúgalann Ricardo Carvahlo. Íslenska liðið mætir einmitt því portúgalska í fyrsta leik sínum á EM 14. júní næstkomandi.

Með Eiði í framlínunni er Írinn Robbie Keane og Spánverjinn Artiz Aduriz sem er, líkt og Eiður, á leið á sitt fyrsta stórmót.

Sjá einnig: Bara einn sen meðal allra sonanna

Í marki heldri borgara liðsins stendur Ítalinn Gianluigi Buffon en hann er á leið á sitt fjórða Evrópumót. EM 2016 ætti reyndar að vera fimmta Evrópumót þessa mikla höfðingja en hann handarbrotnaði rétt fyrir EM 2000.

Í vörninni má svo finna reynsluboltana Andrea Barzagli (Ítalíu), Patrice Evra (Frakklandi) og Razvan Rat (Rúmeníu). Miðjuna skipa svo þrír Austur-Evrópubúar; Thomas Rosický (Tékklandi), Lucian Sanmartean (Rúmeníu) og Anatoliy Tymoshchuk (Úkraínu).

Sjá einnig: Kvaddi Eiður Smári alveg eins og pabbi sinn?

Eiður Smári, sem leikur nú með Molde í Noregi, kom inn á í hálfleik í vináttulandsleik Íslands og Liechtenstein á mánudaginn og skoraði fjórða og síðasta mark íslenska liðsins undir lokin. Það var hans 26. mark fyrir Ísland en hann er markahæsti leikmaður landsliðsins frá upphafi.

EM 2016 í Frakklandi

Tengdar fréttir

Lærðu lögin um strákana okkar

Síðasti leikur íslenska landsliðsins fyrir Evrópumótið í Frakklandi fór fram á Laugardalsvelli í gærkvöldi. Þá vann liðið öruggan 4-0 sigur á landsliði Liechtenstein.

Lagerbäck aldrei upplifað annan eins fjölmiðlaágang

Ómar Smárason, fjölmiðlafulltrúi KSÍ, hefur ekki áhyggjur af því að mikil fjölmiðlaumfjöllun um íslenska karlalandsliðið í knattspyrnu muni hafa áhrif á gengi liðsins á Evrópumótinu sem hefst í Frakklandi á föstudag.

Kolbeinn rúmum þremur árum á undan Eiði Smára

Kolbeinn Sigþórsson varð í gær aðeins annar leikmaðurinn í sögu íslenska karlalandsliðsins í fótbolta sem nær því að skora tuttugu mörk í íslenska landsliðsbúningnum.

EM: Einu sinni verður allt fyrst

Íslenska karlalandsliðið mun stíga sín fyrstu spor á stórmóti á Evrópumótinu í Frakklandi í sumar og íslensku strákarnir munu þar upplifa mjög margt í fyrsta sinn. Fréttablaðið kannaði hvaða íslensku landsliðsmenn voru fyrstir til þess að gera hlutina á fyrstu hálfu öld Íslands í undankeppni EM.

Hannes um EM: Draumurinn er að verja síðasta vítið í vítakeppni

Hannes Þór Halldórsson, markvörður íslenska landsliðsins í fótbolta, var allt annað en öruggur um að ná sér góðum fyrir Evrópumótið í Frakklandi en hann þurfti að bíða á milli vonar og ótta í nokkra mánuði til að sjá hvort hann næði að jafna sig af alvarlegum axlarmeiðslum.

Lars vann sextíu prósent leikjanna á Laugardalsvellinum

Lars Lagerbäck stýrði íslenska landsliðinu í síðasta sinn á Laugardalsvellinum á mánudagskvöldið og það var ógleymanleg stund þegar hann var hylltur á vellinum af leikmönnum íslenska liðsins, starfsmönnum KSÍ og að sjálfsögðu öllum áhorfendunum sem mættu til að kveðja þennan frábæra þjálfara.

Mest lesið


Fleiri fréttir

Sjá meira


×

Mest lesið