Pellegrini: Þetta var verðskuldaður sigur

Manuel Pellegrini, knattspyrnustjóri Manchester City, hrósaði leikmönnum liðsins eftir frækinn 2-1 sigur á Watford í dag en hann var ánægður með viðbrögð leikmanna sinna eftir að hafa lent undir.

Manchester City hafði ekki unnið leik á útivelli í ensku úrvalsdeildinni frá 12. september og lenti 0-1 undir á upphafsmínútum seinni hálfleiksins eftir sjálfsmark Aleksandar Kolorov.

Leikmönnum Manchester City tókst að snúa leiknum sér í hag með tveimur mörkum á seinustu tíu mínútum leiksins en með sigrinum náðu þeir að saxa á forskot Arsenal og Leicester á toppi deildarinnar.

„Það býr mikið í þessu liði, strákarnir gáfust aldrei upp og höfðu alltaf trú á því að við gætum skorað. Við tókumáhættur í stöðunni 0-1 því við þurftum á þremur stigum að halda í kvöld,“ sagði Pellegrini og bætti við:

„Þetta var verðskuldaður sigur að mínu mati, við áttum fleiri marktilraunir og vorum mun meira með boltann í leiknum. Það er jákvætt að hafa loksins unnið leik á útivelli og núna þurfum við ekkert að hugsa út í það. Við getum bara einblínt á einn leik í einu.“