Gylfi tekinn út úr byrjunarliði Swansea | Átta breytingar

Gylfi Þór Sigurðsson byrjar á varamannabekknum í dag þegar Swansea City heimsækir Crystal Palce í 19. umferð ensku úrvalsdeildarinnar í fótbolta.

Gylfi er ekki sá eini sem dettur úr byrjunarliðinu því það gera einnig Angel Rangel, Federico Fernández, Leon Britton, Wayne Routledge, Sung-Yueng Ki, Jefferson Montero og André Ayew.

Gylfi hefur verið í byrjunarliðinu í fyrstu leikjum liðsins undir stjórn Alan Curtis sem stýrir liðinu á meðan félagið leitar að næsta knattspyrnustjóra.

Gylfi spilaði allar 90 mínúturnar í sigrinum á West Bromwich Albion en liðið vann þá sinn fyrsta sigur síðan 24. október.

Curtis gerir alls átta breytingar á byrjunarliði sínu en það eru aðeins Lukasz Fabiański, Ashley Williams og Neil Taylor sem halda sæti sínu.

Inn í byrjunarliðið koma þeir Kyle Naughton, Jordi Amat, Matt Grimes, Jonjo Shelvey, Jack Cork, Bafétimbi Gomis, Modou Barrow og Marvin Emnes.

TEAM NEWS: Here's how the #Swans will line up against @CPFC this afternoon… #CRYSWA pic.twitter.com/ZrO1NczxAD

— Swansea City AFC (@SwansOfficial) December 28, 2015