Farinn á 60 sekúndum | Sjáðu rauða spjaldið á Gerrard

Steven Gerrard kom inn á sem varamaður í hálfleik í stórleik Liverpool og Manchester United. Mínútu síðar fékk hann að líta rauða spjaldið hjá Martin Atkinson, dómara leiksins.

Rauða spjaldið og aðdraganda þess má sjá í spilaranum hér að ofan.

Gerrard byrjaði á því tækla Juan Mata, markaskorara Manchester United, eftir 15 sekúndur. Nokkrum andartökum síðar tæklaði Ander Herrera Gerrard sem brást illa við og traðkaði á legg Spánverjans.

Fyrir það fékk hann að líta rauða spjaldið í síðasta leik sínum með Liverpool gegn Manchester United. Ótrúleg atburðarrás og ótrúleg innkoma hjá þessari miklu Liverpool-goðsögn.