Yfirtaka unglingastjörnunnar að ganga í gegn

Poppstjarnan Louis Tomlinson úr strákasveitinni One Direction verður nýr eigandi enska C-deildarfélagsins Doncaster.

Þetta verður tilkynnt formlega á blaðamannafundi í dag en Tomlinson hefur farið fyrir hópi sem hefur nú gengið frá yfirtöku á félaginu.

Tomlinson er 22 ára gamall og spilaði einn leik með varaliði félagsins á síðustu leiktíð. Hann er fæddur og uppalinn í Doncaster og hefur stutt félagið alla tíð. Hann hefur reynt að yfirtaka félagið í tvígang áður en ekki tekist fyrr en nú.