Messan: Varnarvinna Balotelli ekki boðleg

Messumenn efast um að það sé skynsamlegt að láta Mario Balotelli, leikmann Liverpool, sinna varnarvinnu í föstum leikatriðum í leikjum liðsins.

Eins og kom fram í þætti Messunnar í gærkvöldi átti Balotelli í stökustu vandræðum með að fylgja sínum manni eftir þegar Aston Villa átti fyrirgjöf úr föstu leikatriði.

„Ég veit ekki hvort það er skynsamlegt að fá hann til baka til að dekka í föstum leikatriðum,“ sagði Guðmundur Benediktsson, umsjónarmaður Messunnar, um frammistöðu Ítalans skrautlega.

Þá fjölluðu þeir einnig um samskipti hans og Philippe Senderos en myndbrotið má sjá í spilaranum hér fyrir ofan.