One Direction stjarna í viðræðum um kaup á Doncaster Rovers

Louis Tomlinson, söngvari One Direction er við það að ganga frá kaupunum á Doncaster Rovers ásamt milljónarmæringnum John Ryan.

Tomlinson sem er aðeins 22 árs gamall er hluti af bresku söngsveitinni One Direction sem hefur farið eins og stormsveipur um heiminn undanfarin ár. Tomlinson er ársmiðahafi á heimavelli Doncaster en hann lék leik með varaliðið liðsins á síðasta tímabili.

Fari svo að Tomlinson takist að kaupa félagið verður hann fyrsti popp söngvarinn sem á enskt knattspyrnufélag síðan Elton John keypti Watford árið 1976.

Kaup Tomlinson á Doncaster væri gríðarleg innspýting í starf þess með alþjóðlegum aðdáendahóp hans. Í eina leik Tomlinson fyrir varalið Doncaster mættu rúmlega 2000 manns á leikinn.

Tomlinson er mikill áhugamaður um fótbolta og er ekki óalgengt að sjá hann taka þátt í ýmsum góðgerðarleikjum. Gabriel Agbonlahor, leikmaður Aston Villa var hótað lífláti af aðdáendum Tomlinson eftir að hafa tæklað poppsöngvarann í einum slíkum.