Moyes refsaði Smalling

Óvíst er hvort að Chris Smalling muni spila með Manchester United gegn Manchester City í kvöld.

Enskir fjölmiðlar greina frá því að David Moyes, knattspyrnustjóri United, hefur refsað Smalling sem var myndaður á næturlífinu í Manchester aðfaranótt sunnudags.

Þetta er í annað skiptið á skömmum tíma sem Smalling kemur sér í klandur utan vallar en í janúar klæddi hann sig upp sem sprengjuvargur fyrir búningateiti.

Smalling hefur verið að glíma við meiðsli í nára og missti af leik United gegn West Ham um helgina. En Moyes kunni engu að síður ekki að meta hegðun hans.

„Ég hef tekið á málinu og rætt við Chris. Meira ætla ég ekki að segja um málið,“ sagði Moyes og neitaði að tjá sig um hvort að Smalling myndi spila í kvöld.