Carvalho til Monaco

Kolbeinn Tumi Daðason skrifar 28. maí 2013 19:29

Portúgalinn Ricardo Carvalho er nýjasti liðsmaður AS Monaco í frönsku 1. deildinni. Frá þessu var greint á vefsíðu félagsins fyrir stundu.

Miðvörðurinn 35 ára samdi við félagið til eins árs en hann var síðast á mála hjá Real Madrid. Carvalho varð Evrópumeistari með Porto árið 2004 en þá vann liðið einmitt sigur á Monaco í úrslitaleik.

Monaco verður nýliði í efstu deild í haust en liðið hefur farið mikinn á leikmannamarkaðnum undanfarna daga eins og sjá má í fréttunum hér að neðan.

Fótbolti

Tengdar fréttir

Ríkir rússar í boltanum

Innreið moldríkra Rússa í knattspyrnuheiminn hefur ekki farið framhjá neinum. Roman Abramovich reið á vaðið er hann keypti Chelsea og byrjaði að ausa peningum í félagið.

28. maí 2013 08:30

Falcao fer líklega til Monaco

Það lítur allt út fyrir það að Radamel Falcao muni skrifa undir hjá franska liðinu Monaco á morgun en félagið mun líklega kaupa leikmanninn á 60 milljónir evra frá Atletico Madrid.

26. maí 2013 15:45

Rússneski milljarðamæringurinn ekki hættur

Franska blaðið L'Equipe staðhæfir í dag að AS Monaco ætli sér að bjóða 5,5 milljarða króna, 30 milljónir punda, í belgíska varnarmanninn Vincent Kompany, fyrirliða Manchester City.

23. maí 2013 09:15

Áburðarkóngurinn í Mónakó

Margir knattspyrnuáhugamenn hafa furðað sig á því að franska félagið AS Monaco sé farið að láta hraustlega til sín taka á leikmannamarkaðnum. Peningar virðast ekki skipta neinu máli miðað við síðustu kaup félagsins. Það er moldríkur Rússi sem stendur á bak við liðið en hann efnaðist á því að framleiða áburð.

28. maí 2013 07:00

Monaco vill fá Ivanovic

Franska félagið Monaco eyðir peningum þessa dagana eins og þeir séu að detta úr tísku. Það er nóg til hjá Rússanum Dmitry Rybolovlev og hann ætlar að sjá til þess að Monaco komist aftur í fremstu röð.

27. maí 2013 14:30