Enski boltinn

Mackay ætlar ekki að kaupa Alfreð

Óskar Ófeigur Jónsson skrifar
Alfreð Finnbogason.
Alfreð Finnbogason. Mynd/NordicPhotos/Getty
Malky Mackay, knattspyrnustjóri Cardiff City, gaf það út á blaðamannafundi í dag að félagið ætli ekki að kaupa íslenska landsliðsmanninn Alfreð Finnbogason frá Heerenveen.

Samkvæmt fréttum frá Hollandi í gær þá átti Alfreð að vera kominn með leyfi að hefja viðræður við enska úrvalsdeildarliðið en jafnframt að Heerenveen vildi fá tíu milljónir evra fyrir leikmanninn.

Mackay eyddi þessum sögusögnum á blaðamannafundi í dag og því lítur ekki út fyrir að Aron Einar Gunnarsson og Alfreð verði bæði liðsfélagar hjá Cardiff og íslenska landsliðinu.

Alfreð hefur vakið mikla athygli fyrir frammistöðu sína undir stjórn Marco Van Basten hjá Heerenveen en Alfreð hefur skorað 30 mörk í 35 deildarleikjum þar af sex mörk í fjórum fyrstu umferðunum í ár.

Enski boltinn

Tengdar fréttir

Alfreð má hefja viðræður við Cardiff

Alfreð Finnbogason, framherji hollenska liðsins Heerenveen og langmarkahæsti leikmaður hollensku úrvalsdeildarinnar eins og er gæti verið á leiðinni í ensku úrvalsdeildina ef marka má fréttir í hollenskum fjölmiðlum.

Vilja fá tilboð með sjö núllum

Alfreð Finnbogason fékk að vita af því í kvöld að hann mætti fara í viðræður við enska úrvalsdeildarliðið Cardiff City en þetta kemur fram í viðtali við Gaston Sporre, íþróttastjóra Heerenveen, á heimasíðu Voetbal í kvöld.

Mest lesið


Fleiri fréttir

Sjá meira


×

Mest lesið