Íslensk kona fækkar fötum í Kanada út af hruninu - Ósátt við ný lög

Íslenskri nektardansmær, ásamt fjölda annarra nektardansara, er gert að yfirgefa Kanada vegna breytinga á lögum þar í landi varðandi tímabundið landvistarleyfi. Rætt er við íslensku dansmærina í kandadíska fjölmiðlinum CBC en hún, ásamt 22 öðrum nektardansmærum, verður gert að yfirgefa landið í lok mánaðar.

Lögin eru tilkomin vegna þess að kanadísk stjórnvöld vilja vernda útlendar konur fyrir misnotkun í kynlífsiðnaðinum þar í landi. Lögin ná meðal annars yfir nuddstofur og fylgdarþjónustur. Hingað til hefur konunum nægt að hafa vinnu í landinu til þess að fá tímabundið landvistarleyfi.

Íslenska konan, segir í viðtali við CBC að hún eigi tvö fyrirtæki á íslandi, en eftir að efnahagshrunið hafi hún ákveðið að fara til Kanada að fækka fötum. Hún leggst gegn lögunum. „Við þénum vel, við erum ekki að fækka fötum fyrir áfengi eða fíkniefni," segir konan sem kemur ekki fram undir nafni í kanadískum fjölmiðlum.

Fram kemur að hún starfar í borginni Windsor í Ontario. Eigandi nektarstaðarins sem konan starfa hjá segir lögin slæm því það séu ekki nægilega margar kanadískar konur sem séu tilbúnar að fækka fötum hjá fyrirtækinu.

170 konur störfuðu hjá fyrirtækin á síðasta ári þar af voru 30 frá öðrum löndum. Konurnar voru meðal annars frá Póllandi, Englandi, Eistlandi og þýskalandi auk Íslands.

Eigandi heldur því einnig fram að konurnar séu allar meðvitaðar um rétt sinn og þar eigi engin misnotkun sér stað.

Íslenska nektardansmærin segir svo í viðtalinu að ákveðnar hindranir bíði hennar vegna lagabreytinganna, en flestar kvennanna ættu líklega eftir sigrast á þeim. „Við spörum allar peningana," sagði hún. „Og við eigum allar ástríkar fjölskyldur og góða vini heima."

Eigandi staðarins segir að hann ráði erlenda dansara í gegnum tímarit og auglýsingar víða um heim. Síðan tekur hann viðtal við þær í gegnum Skype-samskiptaforritið.

„Við viljum stúlkur frá góðum fjölskyldum," segir hann í viðtalinu.