Pogrebnyak vill ekki fara frá Fulham

Rússinn Pavel Pogrebnyak er ekki bara sláandi líkur Ivan Drago heldur er hann einnig sleipur knattspyrnumaður. Strákurinn hefur slegið í gegn hjá Fulham í vetur og hann vill vera áfram hjá félaginu.

Pogrebnyak kom að láni frá Stuttgart í janúar og hefur skoraði fimm mörk í sex leikjum.

Fulham vill eðlilega halda honum hjá félaginu og leikmaðurinn sjálfur vill ekki fara aftur til Þýskalands.

"Ég þarf á þjálfara eins og Martin Jol að halda og það væri frábært ef ég get verið áfram hjá félaginu. Við munum fara yfir málin mjög fljótlega," sagði Rússinn stæðilegi.