Umfjöllun Vísis um leiki kvöldsins

Fjórir leikir fóru fram í Pepsi-deild karla í kvöld og var mikið um að vera. Hér má finna alla umfjöllun Vísis um leikina á einum stað.

Topplið KR og ÍBV unnu bæði sína leiki og virðast ætla að keppa um titilinn fyrst að FH-inga steinlágu fyrir frábæru Stjörnuliði í kvöld.

KR-ingar voru ekki sannfærandi í 2-1 sigri á Fram. Hannes Þór Halldórsson varði víti frá Steven Lennon en Kjartan Henry Finnbogason nýtti vítið sem KR fékk og kom liðinu í 1-0 þegar tíu mínútur voru eftir. Seinna mark KR var síðan sjálfsmark en Arnar Gunnlaugsson minnkaði muninn með marki beint úr aukaspyrnu í uppbótartíma.

Tryggvi Guðmundsson skoraði tvö mörk og lagði upp eitt í 3-1 sigri ÍBV í Víkinni en sigur Eyjamanna hefði vel getað orðið miklu stærri.

Stjörnumenn fóru illa með FH-inga sem voru búnir að vinna fimm leiki í röð. Stjarnan vann 4-0 stórsigur en þrjú markanna komu á átta mínútna kafla í seinni hálfleik þegar FH-liðið hafði misst Gunnleif Gunnleifsson meiddan af velli.

Fylkismenn fögnuðu sínum fyrsta sigri síðan í júlí þegar þeir unnu 2-1 sigur í Keflavík. Ingimundur Níels Óskarsson skoraði sigurmarkið af vítalínunni.



Umfjöllun: Meistaraheppni í Vesturbænum

Lennon: Hefði betur neglt boltann í mitt markið

Kjartan Henry: Það á ekki að vera hægt að klikka víti

Rúnar: Þrjú stig það eina sem ég er sáttur við

Umfjöllun: Stjarnan slökkti í meistaravonum FH

Heimir: Gerðum barnaleg mistök

Bjarni: Það blómstruðu allir

Umfjöllun: Tryggvi með tvö í öruggum Eyjasigri

Þórarinn Ingi: Barátta við KR fram í síðasta leik

Heimir: Var smeykur við þennan leik

Tryggvi: Þetta var „soft" víti

Bjarnólfur: Leiðinlegur blettur á spilamennsku Tryggva

Umfjöllun: Fylkismenn hirtu stigin þrjú í Keflavík

Ólafur: Það hefur vantað leikgleði í leikmenn

Guðmundur: Það vantar allt drápseðli í þetta lið

Albert: Það vita allir að ég er stórhættulegur skallamaður