Umfjöllun: Stjarnan slökkti í meistaravonum FH

Stjarnan vann ótrúlegan 4-0 sigur á FH á heimavelli sínum í Garðabæ í kvöld. Stjarnan var 1-0 yfir í hálfleik en leikurinn var bráðfjörugur og hefðu bæði lið getað skorað fleiri mörk í leiknum en sigurinn var þó síst of stór.

Stjarnan hóf leikinn af miklum krafti og komst snemma yfir. Fyrri háfleikur var opinn og skemmtilegur og fengu bæði lið fjölda færa. Ingvar Jónsson fór á kostum í marki Stjörnunnar og Gunnleifur stóð einnig fyrri sínu í marki FH. Stjarnan náði að skora annað mark fyrir hálfleik en það var dæmt af vegna hendi sem var rangur dómur.

FH hóf seinni hálfleik af krafti en varð fyrir miklu áfalli þegar Gunnleifur þurfti að fara meiddur af leikvelli og Gunnar Sigurðsson kom í markið í hans stað. Fyrir vikið myndaðist mikið óöryggi í vörn FH og Stjarnan gekk á lagið og skoraði þrjú mörk á átta mínútna kafla og gerði út um leikinn.

Stjarnan var nær því að bæta við mörkum en FH að minnka muninn en fleiri urðu mörkin ekki og Stjarnan færist því nær Val en er enn í fimmta sæti, með tveimur stigum minna en Valur og sjö stigum minna en FH í Evrópusæti. FH missti af tækifæri til að fylgja KR og ÍBV eftir í titilbaráttunni og á nú litla möguleika á titlinum þar sem liðið sjö stigum á eftir KR þegar liðið á fimm leiki eftir en KR á auk þess leik til góða.



Stjarnan-FH 4-0

1-0 Garðar Jóhannsson (11.)

2-0 Bjarki Páll Eysteinsson (57.)

3-0 Garðar Jóhannsson (63.)

4-0 Þorvaldur Árnason (65.)

Stjörnuvöllur. Áhorfendur: 1.298

Dómari: Þóroddur Hjaltalín Jr. (6)

Tölfræðin

Skot (á mark): 17-10 (9-6)

Varið: Ingvar 6 – Gunnleifur 3 Gunnar 2

Hornspyrnur: 4-5

Aukaspyrnur fengnar: 18-12

Rangstöður: 1-5