Van Persie með gegn Tottenham

Arsene Wenger, knattspyrnustjóri Arsenal, hefur staðfest að Robin Van Persie muni snúa aftur í liðið á morgun þegar liðið leikur gegn Tottenham. Hollendingurinn hefur ekki spilað á þessu ári eftir ökklameiðsli sem hann hlaut í vináttulandsleik.

Van Persie mun byrja á bekknum en Wenger segir að hann muni koma við sögu. „Honum skortir leikæfingu en ég vel ekki leikmenn í hópinn nema þeir séu tilbúnir í slaginn," sagði Wenger.

Síðan Van Persie meiddist hefur Arsenal skoraði að meðaltali 1,77 mark í leik en áður skoraði liðið 3,26 mörk að meðaltali. Liðið er þremur stigum á eftir toppliði Chelsea þegar fimm leikir eru eftir.

Chelsea á leik gegn Bolton í kvöld svo Arsenal gæti verið sex stigum á eftir þeim þegar flautað verður til leiks á White Hart Lane annað kvöld.