Terry og Lampard gætu snúið aftur í næstu umferð

Chelsea hefur saknað þeirra John Terry og Frank Lampard sárt að undanförnu. Carlo Ancelotti, stjóri Chelsea, sagði þó eftir leikinn að þeir myndu líklega snúa aftur til æfinga í þessari viku.

Ancelotti vonast til þess að báðir verði orðnir klárir í slaginn um næstu helgi þegar Chelsea mætir Everton. Meiri líkur eru þó á því að Terry geti leikið þá.

„Þeir eru gríðarlega mikilvægir fyrir okkur. Ekki bara eru þeir frábærir leikmenn heldur einnig mjög sterkir andlega fyrir hópinn, gríðarlega sterkir persónuleikar," sagði Ancelotti.