Romario uppfyllir draum föður síns í kvöld

Brasilíski knattspyrnumaðurinn Romario hefur ákveðið að spila einn leik til viðbótar áður en þessi 43 ára gamli markaskorari leggur skó sína endanlega á hilluna. Ástæðan er sú að hann ætlar að spila einn leik með b-deildarliði America en faðir hans var mikill stuðningsmaður liðsins sem hefur aðsetur í Ríó.

Faðir Romario dreymdi alltaf um að sjá son sinn spila í treyju America í kvöld getur hann hjálpað liðinu til þess að vinna brasilísku b-deildina þegar liðið mætir Artsul. Romario er yfirmaður knattspyrnumála hjá félaginu sem er þegar búið að tryggja sér sæti í efstu deild.

Romario hefur ekki spilað opinberan leik síðan í nóvember 2007 þegar hann lék með Vasco da Gama en hann hefur skorað yfir þúsund mörk á ferlinum samkvæmt eigin talningu. Frægastur er Romario fyrir að hjálpa Brasilíumönnum að vinna HM í Bandaríkjunum 1994 og raða inn mörkum fyrir Barcelona.