Tekur Obama við West Ham?

Þótt ótrúlega megi virðast er hægt að veðja á að bandaríski forsetaframbjóðandinn Barack Obama verði eftirmaður Alan Curbishley hjá West Ham.

Breska veðstofan William Hill samþykkti veðmál upp á tíu pund frá viðskiptavini um að Barack Obama myndi verða næsti stjóri West Ham. Líkurnar eru 10 þúsund gegn einum sem þýðir að ef þetta rætist verður viðkomandi 100 þúsund pundum ríkari.

Ætli verði þó ekki að teljast líklegra að Obama muni halda áfram baráttu sinni um að verða kosinn næsti forseti Bandaríkjanna.