Bolton hættir sem sendiherra Bandaríkjanna hjá SÞ

John Bolton, sendiherrra Bandaríkjanna hjá Sameinuðu þjóðunum, hefur sagt af sér og hættir á næstu dögum. Frá þessu greindu bandarísk stjórnvöld í dag.

Bolton var skipaður sendiherra hjá Sameinuðu þjóðunum tímabundið í ágúst í fyrra en hann var alla tíð umdeildur í embætti vegna skoðana sinna á samtökunum. Öldungadeild Bandaríkjaþings átti eftir að samþykkja skipun hans og í kjölfar sigurs demókrata í þingkosningum í síðasta mánuði þótti ólíklegt að hann fengi samþykki þingsins. Bolton sagði því af sér í dag. Talið er líklegt öldungadeildarþingmaðurinn Dan Lieberman verði næsti sendiherra Bandaríkjanna hjá Sameinuðu þjóðunum en hann situr nú sem óháður þingmaður eftir að hafa áður fylgt demókrötum að máli.