Drepa konurnar eftir sólarhring

Írakskur öfgahópur, sem heldur tveimur ítölskum hjálparstarfsmönnum í gíslingu í Írak, hefur hótað að drepa konurnar, dragi Ítalíustjórn ekki herlið sitt frá Írak. Hópurinn, sem kallar sig Islamic Jihad, birti kröfur sínar Netinu og gefur ríkisstjórn Ítalíu sólarhring til að verða við kröfum sínum. Konurnar vinna fyrir ítölsku hjálparsamtökin „Brú til Bagdad“ við að sjá sjúkrahúsum og skólum fyrir vistum. Myndin er af mannfjölda í Róm á föstudaginn sem krafðist lausn kvennanna, Simonu Torretta og Simonu Pari.