Wammen vinsæll hjá Sósíaldemókrötum

Nicolai Wammen, borgarstjóri í Árósum, nýtur mests stuðnings sem næsti formaður Sósíaldemókrataflokksins í Danmörku samkvæmt nýrri skoðanakönnun sem gerð var fyrir danska blaðið Politiken og sjónvarpsstöðina TV 2.

Tuttugu og tveir særðust í Istanbul

Tuttugu og tveir særðust í sjálfsmorðssprengjuárás í Istanbúl, í Tyrklandi, í morgun. Sprengjan sprakk skammt frá sveit óeirðalögreglumanna sem voru í viðbragðsstöðu vegna mótmælaaðgerða.

Mótmælendur gerðu hróp að Obama

Barack Obama forseti Bandaríkjanna varð að gera hlé á ræðu sem hann hélt í Bridgeport í Connecticut í gær þegar mótmælendur hrópuðu að honum.

Frönsk farþegaflugvél lenti í Bagdad

Frönsk farþegaflugvél lenti á Bagdad flugvelli í Írak í morgun en það er í fyrsta skipti frá því fyrir stríðið í Írak sem flugvél frá vestrænu flugfélagi lendir í Bagdad.

Læknanemi handtekinn vegna sprengjuógnar

Leyniþjónustumenn í Jemen handtóku í gærkvöld unga konu sem grunuð er um að hafa komið sprengjum fyrir í vöruflutningaþotum í Dubai og í Bretlandi. Konan er sögð vera læknanemi. Hún var handtekin í húsi í Sanaa, höfuðborg Jemen, eftir að leyniþjónustumenn ráku slóð hennar í gegnum farsíma sem hún hafði á sér.

Tveir handteknir vegna sprengjuhótunar

Tveir menn voru handteknir í Gautaborg í dag, grunaðir um að hafa ætlað að fremja hryðjuverk í miðborginni í dag. Lögreglan fer væntanlega fram á gæsluvarðhald yfir þeim, samkvæmt sænskum fjölmiðlum.

Átján ára Bandaríkjamær Ungfrú heimur

Það var 18 gömul bandarísk stúlka, Alexandria Mills, sem hlaut titilinn Ungfrú heimur árið 2010. Úrslitin lágu fyrir í morgun en keppnin er haldin á eyjunni Samíra í Kína. Í öðru sæti var Emma Wareus frá Botswana og í þriðja Adriana Vasini frá Venesúela.

Eldfjallið byrjað að gjósa aftur

Eldgos hófst að nýju í morgun í fjallinu Merapi, skammt frá borginni Yogyakarta í Indónesíu. Fjallið er eitt af fjölmörgum virkum eldfjöllum í landinu en gos hófst í því í ágúst og hefur kostað 36 manns lífið.

Sektað fyrir brot á reglum

Framkvæmdastjórn Evrópusambandsins fær nú það hlutverk að útfæra leiðir til að takast á við skyndileg og erfið efnahagsvandamál í framtíðinni. Það kerfi á að taka við af neyðarsjóðnum sem stofnaður var til að takast á við erfiðleikana í Grikklandi.

Skotbardagi á landamærum

Norður-kóreskir hermenn skutu í gær yfir landamærin á suður-kóreska landamærastöð. Suður-Kóreumenn svöruðu í sömu mynt. Ekki var ljóst í gær hver ástæða árásarinnar var. Enginn Suður-Kóreumaður meiddist, en frá Norður-Kóreu hafa engar fréttir borist um hugsanlegan skaða.

Ronnie Wood: Keith skilur mig

Rolling Stones-goðsögnin Keith Richards er hættur að láta heilsusamlegri lífsstíl félaganna í hljómsveitinni fara í taugarnar á sér. Þetta segir Ronnie Wood, gítarleikari Rolling Stones, sem hefur verið edrú í rúmlega sex mánuði en hann var á góðri leið með að drekka sig í heil.

Obama: Sprengjuefni í pökkunum

Barack Obama, forseti Bandaríkjanna, segir að sprengjuefni hafi verið í pökkunum sem sendir voru frá Jemen til Bandaríkjanna. Pakkarnir voru stílaðir á tvö bænahús gyðinga í Chicago. Talið er að hryðjuverkasamtökin al Kaída beri ábyrgð á pökkunum. Þetta kom fram í máli forsetans á blaðamannafundi í Hvíta húsinu í kvöld.

Al Kaída að æfa sig?

Mikill viðbúnaður var á flugvöllum í Bretlandi og Bandaríkjunum í dag eftir að tortryggilegar pakkar fundust um borð í flutningaflugvél sem millilenti í Bretlandi á leið til Bandaríkjanna frá Jemen. Ekki var um sprengju að ræða að sögn, bresku lögreglunnar. Í yfirlýsingu frá Hvíta húsinu segir að bandarísk yfirvöld hafi grípið til viðunandi aðgerða og leitað í nokkrum flutningaflugvélum á flugvöllum í New Jersey og Pennsylvaníu. Á sama tíma var leitað í bílum flutningafyrirtækja. Bandarísk stjórnvöld rannsaka nú hvort að hryðjuverkasamtökin al-Kaída í Jemen beri ábyrgð á pökkunum en talið er að um æfingu hafi verið að ræða.

Sprengja í flugvél í Lundúnum

Flugvél frá Yemen var stöðvuð í Lundúnum í dag þegar sprengja fannst um borð. Sprengjan var í fragtrými og hafði verið dulbúin sem blekhylki fyrir prentara. Í kjölfarið hefur verið fyrirskipuð nákvæm leit í flugvélum sem eru í ferðum til og frá Bandaríkjunum. Þessi frétt var að berast og nánari upplýsingar liggja ekki fyrir.

New York Times fjallar um Bæjarins bestu

Bandaríska stórblaðið New York Times fjallaði hinn 25. þessa mánaðar um einstæðan áhrifamátt Clintons fyrrverandi forseta. Hann nær jafnvel til veitingastaða. Ef Clinton borðar á einhverjum matsölustað kemur fólk þangað í kippum og biður um það sama og forsetinn borðaði.

Kínverjar ráðast á Thorbjörn Jagland

Kínverskir ríkisfjölmiðlar gera persónulegar árásir á Thorbjörn Jagland, formann norsku nóbelnefndarinnar. Kínverjar eru í mikilli geðshræringu yfir því að andófsmaðurinn Liu Xiaobo fékk friðarverðlaun Nóbels í ár.

Hvalurinn í Vejle-firði var 140 ára gamall

Langreyður ein stór og mikil sem synti á land í Vejle firði í Danmörku í sumar hefur nú verið aldursgreind og í ljós kom að dýrið var á bilinu 135 til 140 ára gamalt. Vísindamenn frá danska náttúrufræðisafninu komust að þessu en í nýútkominni hvalabók eftir þá Jón Baldur Hlíðberg og Sigurð Ægisson segir að elsta dýr af þessari tegund sem vitað sé um hafi náð 114 ára aldri.

Níu lögreglumenn myrtir í Mexíkó

Níu lögreglumenn voru skotnir til bana í fyrirsát í vesturhluta Mexíkó í gær. Eins er saknað. 20 lögreglumenn voru í leiðangri í Jalisco héraði í gær þegar þeir voru bornir ofurliði af glæpagengi sem umkringdi þá á lúxusjeppabifreiðum og hófu skothríð. Lögreglumennirnir tíu sem lifðu árásina af börðust við gengið í rúma klukkustund. Margir þeirra eru sárir, að sögn mexíkóskra fjölmiðla. Árásarmennirnir voru þungvopnaðir og notuðu handsprengjur og hríðskotariffla.

Vonast til að geta lesið í drauma fólks

Bandarískir vísindamenn segjast hafa smíðað búnað sem þeir vonast til að nýtist við að ráða í drauma. Þetta kemur fram í grein sem vísindamennirnir skrifuðu í tímaritið Nature.

Tífalda verðlaunafé fyrir Mladic

Ríkisstjórn Serbíu hefur lagt meira fé til höfuðs Bosníuserbanum og stríðsglæpamanninum Ratko Mladic. Upphæðin var tífölduð, fór úr einni í tíu milljónir evra.

Tæplega 350 manns hafa látist í Indónesíu

Tala látinna á Mentawai-eyjum í vesturhluta Indónesíu var í gær komin í 343 eftir leit björgunarsveita. Stjórnvöld telja að hundruð manna sem enn er saknað kunni að hafa borist á haf út með flóðbylgjunni sem þar reið yfir 25. október. Eldgos í fjallinu Merapi á eyjunni Jövu hófst stuttu eftir jarðskjálftann sem hratt flóðbylgjunni af stað.

Vændiskona í mat í lystihúsi

Silvio Berlusconi forsætisráðherra Ítalíu segir „fjölmiðlaþvætting“ að vændiskona undir lögaldri hafi verið á heimili hans fyrir tilstilli tveggja starfsmanna sjónvarpsstöðvar í hans eigu.

Spáð í flekki framan í Pútín

Litarhaft og heilsufar Vladimírs Pútíns forsætisráðherra Rússlands var til umfjöllunar í fjölda rússneskra og úrkraínskra fjölmiðla í gær. Á fundi Pútíns með ráðamönnum í Kænugarði á miðvikudag var eftir því tekið að þrátt fyrir mikla andlitsmálningu mátti greina dökka flekki undir augum Pútíns. Hann þótti þreytulegur og leyfði ekki spurningar.

Jonathan Motzfeldt fallinn frá

Jonathan Motzfeldt, fyrrverandi formaður grænlenska Siumut-flokksins, féll frá í gær, 72 ára að aldri. Motzfeldt hafði glímt við krabbamein, en var í gær lagður inn á sjúkrahús með lungnabólgu. Þar lést hann af völdum heilablæðingar, að því er fram kemur á fréttavefnum Sermitsiaq.

Friðarviðræður strand meðan byggt er

Umleitanir bandarískra stjórnvalda til að koma friðarviðræðum milli Ísraels og Palestínu af stað á ný hafa enn sem komið er ekki skilað árangri. Þetta hefur fréttastofa AP eftir Ahmed Aboul Gheit, utanríkisráðherra Egyptalands, í gær

Mótmæla breyttri kjarnorkuáætlun

Grænfriðungar létu sig í gær síga ofan af höfuðstöðvum flokks Angelu Merkel Þýskalandskanslara með borða þar sem kjarnorku er mótmælt. Aðgerðirnar eru meðal fjölda annarra þar sem fyrirætlunum stjórnar Merkel um að framlengja líf kjarnorkuvera í Þýskalandi er mótmælt.

Yfir 170 verða í fyrsta hópnum

Fyrsti hópur flóttafólks frá Kongó sem býr í Búrúndí snýr aftur heim í þessari viku, að því er fram kemur í tilkynningu Flóttamannastofnunar Sameinuðu þjóðanna.

Sex skotnir í Mexíkóborg

Sex ungir menn voru skotnir til bana í Mexíkóborg aðfaranótt fimmtudags. Í viðtali við sjónvarpsstöðina Televisa sagði saksóknari að til harðra orðaskipta hafi komið milli ungu mannanna, sem allir voru um og rétt yfir tvítugu, og byssumannanna sem borið hafði að áður en þeir síðarnefndu hófu skothríð.

Segja sígarettuaðvaranir hafa þveröfug áhrif

Aðvaranir á sígarettupökkum fá fólk til þess að reykja meira, ef marka má niðurstöður rannsókna vísindamanna frá Sviss, Þýskalandi og Bandaríkjunum.

Útvarpsstjóri segir af sér

Útvarpsstjóri danska ríkisútvarpsins hefur sagt starfi sínu lausu fyrir skyndifund útvarpsráðs sem átti að halda í kvöld um framtíð hans í starfi. Danskir fjölmiðlar gera því skóna að hann hefði verið rekinn á fundinum.

Þegar Ditta kom í heiminn

Danska lögreglan hefur fellt niður hraðaksturssekt á hendur lítillar fjölskyldu frá smábænum Ullemölle.

„Vaktmaður fjallsins“ fórst í gosinu

Að minnsta kosti þrjátíu og tveir létust þegar eldfjallið Merapi í Indónesíu gaus á þriðjudaginn var. Sú tala gæti hæglega hækkað að sögn björgunarmanna á svæðinu.

Rúmlega 300 látnir og óttast um fleiri

Fyrstu myndirnar eru nú teknar að berast frá Mentawai eyjunum í Indónesíu sem urðu fyrir flóðbylgju á mánudaginn var og sýna þær gríðarlega eyðileggingu.

Borgaði 300 milljónir fyrir Bond-bílinn

Bandarískur bílaáhugamaður borgaði í gær 2,6 milljónir bandaríkjadala, eða tæpar 300 milljónir íslenskra króna fyrir Aston Martin DB5 bílinn sem njósnari hennar hátignar, James Bond, þeyttist um á í fyrstu myndum sínum.

Aparnir hnerra í rigningunni

Vísindamenn á ferð um frumskóga Búrma hafa uppgötvað nýja apategund í norðurhluta landsins. Heimamenn hafa reyndar vitað af öpunum lengi, og því sérkennilega einkenni þeirra að hnerra þegar rignir.

Eftirlaunafrumvarp samþykkt

Franska þingið samþykkti í gær frumvarpið umdeilda sem felur í sér hækkun eftirlaunaaldurs í Frakklandi um tvö ár. Nánast stanslaus mótmæli gegn frumvarpinu vikum saman hafa sett þjóðlíf í Frakklandi úr skorðum.

Ísland aldrei mælst neðar á listanum

Ísland er fallið niður í ellefta sæti á lista alþjóðasamtakanna Transparency International, sem mæla spillingu í opinbera geiranum. Ísland hefur ekki áður mælst neðar á listanum, en fyrir hrun var Ísland jafnan í efstu sætunum og iðulega í því fyrsta.

Leit að fólki á tveimur hamfarasvæðum

Síðdegis í gær var vitað um rúmlega 270 manns sem látist höfðu af völdum flóðbylgjunnar sem lenti á Indónesíu. Eldgosið, sem hófst á þriðjudag annars staðar í eyjaklasanum, hafði kostað um þrjátíu manns lífið.

Aðildin gæti strandað á Mladic og Hadzic

Ráðamenn í Serbíu hafa fagnað ákvörðun ráðherraráðs Evrópusambandsins um að hefja fyrsta stig undirbúnings aðildarviðræðna við Serbíu. Dragan Sutanovic, utanríkisráðherra Serbíu, sagði að nú geti ekkert lengur komið í veg fyrir aðild Serbíu að ESB.

Yfir þrjú hundruð látnir í Indónesíu

Mörghundruð manns hafa farist í tvennskonar náttúruhamförum samtímis í Indónesíu, annarsvegar flóðbylgju og hinsvegar eldgosi.

Tökum náð á eldinum í Athenu

Tekist hefur að ná tökum á eldinum um borð í færeyska risatogaranum Athenu undan ströndum Cornwall í Bretlandi. Tæplega hundrað manns var bjargað úr skipinu sem nú siglir fyrir eigin vélarafli í átt til Bretlands. 13 meðlimir úr áhöfninni urðu eftir um borð til að slökkva eldinn og stýra skipinu til hafnar.

Danir sökkva sjóræningjaskipi

Danska herskipið Esbern Snare hefur sökkt móðurskipi sjóræningja undan ströndum Sómalíu. Esbern Snare var á eftirlitsferð við stendur landsins þegar það rakst á móðurskipið.

Dýraverndarsinnar fangelsaðir

Fimm dýraverndarsinnar hafa verið dæmdir til fangelsisvistar í Bretlandi fyrir margra ára látlausar árásir á starfsmenn líftæknifyrirtækis sem gerir tilraunir á dýrum.

Færeyskur togari í björtu báli

Tíu þúsund tonna Færeyskur verksmiðjutogari stendur í björtu báli undan ströndum Cornwall í Bretlandi. Um borð eru 111 manns, áhöfn og fiskverkafólk.

Klofningur í rauðgrænum

Rauðgræna bandalagið, sem er bandalag stjórnarandstöðuflokkanna þriggja í Svíþjóð, hefur klofnað. Fulltrúar bæði Sósíaldemókrata og Umhverfisflokksins hafa staðfest það í viðtölum við sænska fjölmiðla.