Fleiri fréttir

Nálgast lokastig auðgunar

Norður-Kóreumenn eru að nálgast lokastigið í því ferli að auðga úran og plútón og koma þessum efnum í það ástand að þau verði nothæf til gerðar kjarnavopna.

Tannlæknir hótaði Sarkozy lífláti

Tannlæknir og arkitekt eru meðal ellefu manna sem handteknir voru í gær, grunaðir um að hafa sent Nicolas Sarkozy Frakklandsforseta og átta frönskum ráðherrum líflátshótanir.

Bretland síðast úr krumlum kreppunnar

Bretland verður síðasta stóra hagkerfi heimsins sem losnar úr viðjum fjármálakreppunnar, ef marka má spár OECD, Efnahags- og framfarastofnunar Evrópu.

Tilkynningum um ólöglega starfsmenn fjölgar

Lögreglan í Danmörku fær sífellt fleiri tilkynningar um útlendinga sem starfa ólöglega í Danmörku. Á öðrum ársfjórðungi þessa árs fékk lögreglan 139 tilkynningar um slíkt en 96 tilkynningar á sama tíma í fyrra.

Flæmdur frá heimalandi sínu

Mikhail Voitenko blaðamaður hefur flúið Rússland vegna ásakana hans um að Arctic Sea, skipið sem menn telja að hafi verið rænt í júlí, hafi verið í vopnaflutningum. Voitenko segir að honum hafi verið sagt að flýja frá landinu eða eiga hættu á handtöku.

Flóttamenn handteknir við komuna til Íraks

Íraska lögreglan hefur handtekið fimm flóttamenn sem dönsk yfirvöld sendu heim til Íraks í gær. Sautján flóttamenn sem einnig var flogið með til Íraks munu á leið til norðurhluta landsins þar sem vinir og vandamenn eru sagðir bíða þeirra.

Fjarskiptagervitungl komst ekki á sporbaug

Indónesískt fjarskiptagervitungl, sem skotið var á loft frá Kína á mánudaginn, komst ekki á sporbaug eftir að hreyfill í þriðja þrepi burðarflaugar þess fór ekki í gang.

Geimrusl nálgast Alþjóðlegu geimstöðina

Bandaríska geimferðastofnunin NASA fylgist nú grannt með torfu af geimrusli sem er margir metrar í þvermál og svífur um geiminn í nágrenni við Alþjóðlegu geimstöðina og geimskutluna Discovery sem nú er stödd við stöðina.

Enn sverfur til stáls í Mexíkó

Sautján eru látnir eftir að tólf grímuklæddir byssumenn réðust inn í meðferðarstöð í mexíkósku borginni Ciudad Juarez í gær, stilltu vistmönnum þar upp við vegg og hófu skothríð.

Tala látinna á Jövu komin í 46

Tala látinna í indónesíska bænum Cianjur er kominn upp í 46 eftir að snarpur jarðskjálfti skók eyjuna Jövu í gær. Í kjölfar skjálftans féll aurskriða á bæinn og kaffærði ellefu heimili.

Hugðust myrða samnemendur sína

Tveir breskir unglingar lögðu á ráðin um að sprengja sprengju í verslunarmiðstöð í Manchester og fara því næst í skólann og skjóta eins marga samnemenda sinna til bana og þeir gætu.

Bónusar bankamanna lækki

Fjármálaráðherrar Evrópusambandsins fagna frumkvæði Frakka og Þjóðverja, sem vilja fá Bandaríkjastjórn og fleiri ríki í lið með sér til þess að hafa hemil á bónusgreiðslum til yfirmanna í bönkum.

Hælisleitendurnir farnir til Bagdad

Hælisleitendurnir frá Írak, sem handteknir voru í kirkju í Kaupmannahöfn í síðasta mánuði, voru í gær sendir með flugvél til Íraks. Óvissa er um örlög þeirra í heimalandinu, en dönsk stjórnvöld segjast hafa farið rétt að öllu.

Lögreglan flæðir um götur

Tugir þúsunda ungra manna og kvenna hafa bæst í lögregluliðið í Kína. Tilefnið er sextíu ára afmæli kommúnistastjórnarinnar, sem komst til valda í byrjun október árið 1949.

Viðræður ráðamanna hefjast

Háttsettir ráðamenn Ísraelsstjórnar og Palestínustjórnar hittust í gær í fyrsta sinn frá því að Benjamin Netanjahú tók við sem forsætisráðherra Ísraels.

Obama ávarpar þingið í næstu viku

Barack Obama flytur ræðu um tillögur sínar um uppstokkun á bandaríska heilbrigðiskerfinu á sameiginlegum fundi fulltrúa- og öldungadeildar Bandaríkjaþings næstkomandi miðvikudag. Forsetinn hefur sagt núverandi kerfi allt of dýrt og þungt í vöfum.

Ósiðleg hegðun öryggisvarða í Kabúl rannsökuð

Utanríkisráðuneyti Bandaríkjanna rannsakar nú mál sem varðar öryggisverði í sendiráði landsins í Afganistan. Verðirnir eru sakaðir um ósiðlega hegðun, þar á meðal að drekka áfengi af afturenda hvors annars.

Stjórnandi afgönsku leyniþjónustunnar drepinn

Talíbanar felldu í dag einn æðsta stjórnanda afgönsku leyniþjónustunnar. Skömmu áður tilkynntu Sameinuðu þjóðirnar um að tekist hefði að draga úr einni helstu tekjulind Talíbana, ópíumrækt.

Karzai eykur við forskot sitt

Sitjandi forseti Afganistans Hamid Karzai hefur aukið við forystu sína í forsetakosningunum sem haldnar voru þann 20. ágúst síðastliðinn. Enn er verið að telja atkvæði en nú þegar um 60 prósent þeirra hafa verið talin er Karzai með rúm 47 prósent atkvæða en helsti keppinautur hans Abullah Abdullah er með 32 prósent. Verði þetta niðurstaðan er ljóst að kjósa þarf á ný á milli tveggja efstu frambjóðendanna því fimmtíu prósent atkvæða þarf til þess að sigra.

Að minnsta kosti fimmtán létust í Indónesíuskjálfta

Að minnsta kosti fimmtán eru látnir í Indónesíu eftir að stór jarðskjálfti reið þar yfir í morgun. Flóðbyljguviðvörun var gefin út fyrir öll lönd sem eiga strönd að Indlandshafi en hún hefur nú verið dregin til baka.

Stór skjálfti skók Indónesíu

Stór jarðskjálfti skók Indónesíu í morgun og er flóðbylgjuviðvörun í gangi fyrir öll lönd sem eiga strönd að Indlandshafi. Skjálftinn var 7,4 á Richter-kvarðanum og voru upptök hans um 240 kílómetra frá höfuðborginni Jakarta. Engar fregnir hafa enn borist af skemmdum eða dauðsföllum af völdum skjálftans.

Sjónvarpsstöð falsaði myndskeið af Jackson

Myndskeið, sem fór eins og eldur í sinu um Netið í júlí og virtist sýna Michael Jackson heitinn stíga sprelllifandi út úr bíl dánardómstjóra, var að sjálfsögðu gabb en nú hefur þýska sjónvarpsstöðin RTL viðurkennt að hafa útbúið myndskeiðið og sett það á Netið.

Stefnir Tinna fyrir kynþáttafordóma

Þeir eru ófáir sem styttu sér stundir í æsku yfir teiknimyndasögunum um Tinna sem belgíski teiknarinn Georges Prosper Remi, betur þekktur undir höfundarnafninu Hergé, gerði ódauðlegan ásamt drykkfellda skipstjóranum Kolbeini, prófessor Vandráði og fleiri góðum mönnum.

Ný von í baráttu við skógarelda

Örlítið tók að kólna í veðri í Kaliforníu í gærkvöldi og gefur það slökkviliði og íbúum Los Angeles von um að draga muni úr útbreiðslu skógarelda sem nú hafa brennt tæpa 500 ferkílómetra skóglendis og ógna þúsundum heimila.

Milljónir gátu ekki opnað Gmail

Margar milljónir notenda tölvupóstforritsins Gmail, sem er ókeypis þjónusta á vegum Google, urðu fyrir óþægindum í gærkvöldi þegar pósturinn var óaðgengilegur í tæpar tvær klukkustundir.

Saksóknari vill grafa upp lík

Saksóknari í New York hyggst fara fram á það við yfirvöld að þau láti grafa upp lík konu sem varð átta manns að bana þegar hún ók gegn akstursstefnu og framan á aðra bifreið í lok júlí, til þess að rannsaka hvort hún hafi verið undir áhrifum áfengis og marijúana þegar slysið varð.

Bílsprengja sprakk í Aþenu

Bílsprengja sprakk við kauphöllina í Aþenu, höfuðborg Grikklands, í morgun og skemmdi átta bíla auk þess sem töluvert tjón varð á kauphöllinni. Kona slasaðist lítillega í sprengingunni en dagblaði í borginni hafði borist aðvörun skömmu áður en sprengjan sprakk.

Fjöldi ára hefur farið í súginn

Alþjóðlegt uppbyggingarstarf í Afganistan hefur að mörgu leyti verið unnið fyrir gýg árum saman vegna þess að samhæfingu hefur skort. Þetta segir Kai Eide, yfirmaður Sameinuðu þjóðanna í Afganistan, sem heldur því fram að ríkin sem standa að uppbyggingarstarfi í Afganistan verði að átta sig á því að samhæfa verði starfið og setja þeim heildstæð markmið.

Sextíu þúsund milljarðar á ári

Auðugustu ríki heims þyrftu að afhenda fátækari hluta heimsins sextíu þúsund milljarða króna árlega til þess að fátæku ríkin gætu brugðist við loftslagsbreytingum.

Á topp hæsta húss Malasíu

Alain Robert, sem hefur verið uppnefndur Köngulóarmaðurinn, var handtekinn í Malasíu í gær eftur að hann hafði klifrað upp annan tvíburaturnanna í höfuðborginni Kúala Lúmpúr.

Sjötíu ár frá stríðsbyrjun

Leiðtogar Evrópuríkja gátu ekki alveg gleymt deilumálum sínum þegar þeir komu saman í Póllandi til að minnast upphafs seinni heimsstyrjaldarinnar.

Meðlimur Mansonfjölskyldunnar vill reynslulausn

Susan Atkins sem tilheyrði Mansonfjölskyldunni illræmdu kemur fyrir náðunar- og skilorðsnefnd á morgun. Susan var ásamt fjórum öðrum sakfelld í október árið 1969 fyrir hrottaleg morð en þá var hún 21 árs.

Slökkviliðsmenn binda vonir við lægra hitastig

Slökkviliðsmenn sem berjast við skógareldanna sem breiðst hafa stjórnlaust um stórt svæði norður af Los Angelesborg í Kaliforníuríki binda miklar vonir við að kaldara hitastig og aukinn raki muni hægja verulega á eldunum á morgun og á fimmtudag. Þrátt fyrir að vel á þriðja þúsund slökkviliðsmenn taki þátt í baráttunni við eldanna hefur þeim aðeins tekist að slökkva í litlum hluta þess svæðis sem logar.

Fimm börnum bjargað úr klóm barnaníðinga

Lögreglan á Bretlandi hefur bjargað fimm börnum úr klóm barnaníðinga víðsvegar um landið en mennirnir höfðu sent níðingsverkin sem þeir frömdu á börnunum út á internetinu. Um er að ræða drengi og stúlkur á aldrinum sjö til þrettán ára og fundust þrjú þeirra í Skotlandi og tvö í Englandi. Nokkrir hafa að sögn lögreglu verið handteknir grunaðir um aðild sína að málunum og bíða nú ákæru.

Fundu bein í bakgarðinum hjá Garrido

Lögreglan hefur fundið bein í bakgarði Philip Garrido sem handtekinn var í síðustu viku ásamt eiginkonu sinni eftir að Jaycee Lee Dugard sem hvarf árið 1991 fannst í bakgarði þeirra. Frá handtökunni hefur lögregla leitað í hverjum krók og kima á landareign þeirra hjóna en grunur leikur á að Garrido tengist nokkrum morðum á vændiskonum og brotthvörfum þriggja annarra ungra stúlkna á tíunda áratugnum.

Kínverskir tölvuþrjótar sækja að eldri konum

Óprúttnum aðilum, sem stunda hvers kyns tölvuglæpi, hefur vaxið mjög fiskur um hrygg í Kína og vinna skipulögð gengi nú að því að brjótast inn í tölvur fólks og freista þess að nálgast þar viðkvæmar bankaupplýsingar auk hvers kyns persónuupplýsinga sem hægt er að nýta til að komast yfir skjót- og illa fenginn gróða.

Bjóða nemendum fé fyrir að taka ársfrí

Breskur læknaháskóli býður nýjum nemendum sínum nú 3.000 pund, jafnvirði rúmra 600.000 króna, fyrir að taka sér eins árs frí áður en þeir hefja nám við skólann.

Sjá næstu 50 fréttir

Mest lesið