Lofuðu að elska Verslunarskólann að eilífu

Nýnemar í Verslunarskóla Íslands sóru þess eið í dag að elska skólann um alla ævi og voru þar með vígðir inn sem Verslingar við hátíðlega athöfn. Nemendafélag skólans ákvað í stað hefðbundnar busunar að standa fyrir formlegri athöfn og innvígslu.

Reykjavík orðin að litlu Kaupmannahöfn

Reykjavíkurborg er orðin að lítilli Kaupmannahöfn þegar kemur að hjólamenningu, segir borgarfulltrúi. Þess vegna er nú leitað eftir frumlegum en jafnframt hagkvæmum hjólastæðum.

"Crossfit er galin líkamsrækt“

Íþróttafræðingur segir að nýjasta æðið í heilsurækt Íslendinga, hið svonefnda crossfit, sé afar gagnrýnivert. Upp til hópa geri iðkendur flóknar tæknilegar æfingar vitlaust undir leiðsögn ólærðra þjálfara og það geti stofnað heilsu þeirra í hættu til framtíðar.

Vel undirbúin undir Icesave-málflutninginn

Íslenska lögfræðiteymið hefur undirbúið málflutning Íslands í Icesave málinu ákaflega vel, segir Össur Skarphéðinsson utanríkisráðherra. Eins og fram kom fyrr í vikunni fer málflutningur fyrir EFTA dómstólnum fram þann 18. september næstkomandi.

Sparað með því að hækka forstjórann í launum

Björn Zoëga, forstjóri Landspítalans, segir að laun sem honum bauðst í Svíþjóð séu mun hærri en hann fái á Landspítalanum þrátt fyrir umdeilda launhækkun velferðarráðherra. Ráðherrann segir að hann sé að spara peninga með því að hækka laun forstjórans.

Áfram í haldi vegna árásar sem hann man ekki eftir

Hæstiréttur hefur staðfest gæsluvarðhaldsúrskurð yfir karlmanni sem sakaður er um tilraun til manndráps. Maðurinn réðist að öðrum utan við Fíladelfíukirkjuna í lok júlí og veitti honum svöðusár með stórum hníf.

Margir gáfu frjáls framlög í Höfða

Móttökuhúsið Höfði var opið gestum og gangandi í sumar. 6300 manns notuðu tækifærið til að skoða þetta sögufræga hús. Reykjavíkurborg tók þá ákvörðun að rukka fólk ekki um aðgangseyri en setja heldur upp bauk í húsinu sem fólk gat gefið í að vild. Þegar húsinu var lokað fyrir gestaheimsóknum þann 1. september og baukurinn var opnaður kom í ljós að safnast höfðu 105.445 krónur.

Hátt í 300 símtöl frá fólki í sjálfsvígshættu - yfir 30 látast árlega

Hátt í þrjú hundruð símtöl bárust hjálparsíma Rauða krossins 1717 í fyrra frá fólki sem var í sjálfsvígshættu. Þetta segir Haukur Árni Hjartarson, verkefnastjóri hjálparsímans. Hann heldur erindi í safnaðarheimili Dómkirkjunnar við Tjörnina á alþjóðadegi sjálfsvígsforvarna sem er á mánudaginn.

Fáklæddur og blóðugur ferðamaður á hjóli stöðvaður af lögreglunni

Í fyrrinótt var tilkynnt um klæðalítinn, erlendan ferðamann í Langholtshverfinu og sagt að hann hefði orðið fyrir barðinu á ræningjum samkvæmt tilkynningu frá lögreglunni á höfuðborgarsvæðinu.

Leggið löglega í Laugardalnum - skýringarmynd

Lögreglan á höfuðborgarsvæðinu beinir þeim góðfúslegu tilmælum til ökumanna sem eiga leið um Laugardalinn að nýta þau bílastæði sem þar eru í stað þess að leggja ólöglega á eða við götur á svæðinu. Þetta er nefnt sérstaklega vegna landsleiks Íslendinga og Norðmanna í knattspyrnu sem fram fer á Laugardalsvellinum í kvöld.

Brynjar Mettinisson laus á næstu dögum

Brynjar Mettinisson, sem setið hefur í fangelsi í Tælandi að undanförnu grunaður um fíkniefnasmygl, verður látinn laus. Utanríkisráðuneytið fékk tilkynningu um þetta í dag. Þetta staðfesti Össur Skarphéðinsson utanríkisráðherra þegar Vísir hafði samband við hann í dag. Máli hans verður ekki áfrýjað.

Salan á Berg-Hugin stendur

Forsvarsmenn útgerðarfyrirtækisins Bergs Hugins hafna kröfu Elliða Vignissonar, bæjarstjóra Vestmannaeyja, um að fallið verði frá sölu fyrirtækisins til Síldarvinnslunnar

Stjórn Bjartrar framtíðar samþykkir fyrstu ályktun

Björt framtíð vill beita sér fyrir því að hér á landi ríki efnahagslegt jafnvægi og að húsnæðislán verði á svipuðum kjörum og víðast í Evrópu. Hún leggur ríka áherslu á mannréttindamál og umhverfismál og að fjölbreytni ríki á öllum sviðum mannlífsins. Björt framtíð vill að nýting auðlinda sé ávallt í jafnvægi og skili mun meiri arði í sameiginlega sjóði en nú er og að meira frelsi ríki í viðskiptum. Þetta er á meðal þess sem kemur í fyrstu ályktun stjórnar Bjartrar framtíðar sem samþykkt var í gær.

Launahækkun forstjórans stuðar lækna

Formaður Læknafélags Íslands segir launahækkun forstjóra Landspítalans stuða marga innan stéttarinnar enda hafi mikill niðurskurður í heilbrigðiskerfinu hafi kostað marga starfið og valdið launalækkun og auknu álagi. Fyrir hækkun var forstjóri Landspítalans launahæstur ríkisforstjóra landsins.

Ólafur og Dorrit fylgjast með Ólympíuleikum fatlaðra

Ólafur Ragnar Grímsson og Dorrit Moussaieff forsetafrú sækja lokadaga Ólympíuleika fatlaðra sem haldnir eru í London. Fyrir hádegi í dag fylgjast þau með keppni í frjálsum íþróttum þar sem Helgi Sveinsson er meðal keppenda. Forseti mun einnig afhenda verðlaun og eftir hádegið heimsækja forsetahjónin Ólympíuþorpið og hitta íslensku keppendurna, þjálfara og forystumenn Íþróttasambands fatlaðra. Þá verður forseti viðstaddur lokahátíð leikanna á sunnudag.

Mikill kynbundin launamunur vonbrigði

"Þessar niðurstöður valda auðvitað miklum vonbrigðum og það er eðlileg krafa verkalýðshreyfingarinnar að stjórnvöld taki á þessum óútskýrða kynbundnum launamun af alvöru. Nóg hefur verið rætt um vandann fram til þessa en nú þarf að bregðast við," segir Elín Björg Jónsdóttir, formaður BSRB, í frétt sem birtist á heimasíðu félagsins í morgun, um niðurstöður nýrrar launakönnunar sem tvö af aðildarfélögum BSRB, Starfsmannafélag Reykjavíkurborgar og SFR-stéttarfélag í almannaþjónustu, hafa látið framkvæma ásamt VR.

Segist hafa fallið út úr Gamla bíói og brotið sköflunginn

"Þetta var frekar óskemmtilegt,“ lýsir Margrét Hildur Guðmundsdóttir í þættinum Í bítið á Bylgjunni í morgun en hún segist hafa fallið niður á götu á tónleikum Jet Black Joe í Gamla bíó aðfaranótt laugardags, þegar hún ætlaði ásamt vinkonum sínum út að fá sér ferskt loft. Margrét Hildur segist hafa verið baksviðs ásamt öðru fólki þegar þær vinkonurnar ætluðu út.

Stórþjófnaður við Mývatn upplýstur

Lögreglan er búin að upplýsa stórþjófnað úr peningaskáp á skrifstofu Jarðbaðanna við Mývatn nýverið, og er þungu fargi létt af heimamönnum.

Laun opinberra starfsmanna 20% lægri en á almennum markaði

Laun opinberra starfsmanna eru um 20% lægri en á almennum markaði. Þetta sýna niðurstöður launakönnunar VR, SFR og Starfsmannafélags Reykjavíkurborgar sem kynntar voru á sameiginlegum blaðamannafundi.

Sean Penn kominn til landsins

Stórleikarinn Sean Penn kom til landsins í gærkvöldi en hann leikur í kvikmyndinni sem Ben Stiller leikstýrir hér á landi, The Secret Life Of Walter Mitty. Tökur hafa staðið yfir síðustu viku og halda áfram nú um helgina. Samkvæmt upplýsingum Vísis lenti Sean Penn í gærkvöldi á Keflavíkurflugvelli. Hann var með derhúfu á höfði en þegar hann kom út úr flugstöðinni beið hans bílstjóri sem ók með hann á brott. Ben Stiller sagði í viðtali við Kastljósið í vikunni að Sean Penn myndi leika ljósmyndara í myndinni og að um helgina færu tökur fram upp á jökli. Það má því búast við stuði um helgina, en Stiller sagði að mörg áhættuatriði yrðu tekin upp um helgina - það væri meðal annars stokkið út úr þyrlu.

Hjálmurinn bjargaði sjómanni

Sjómaður á litlu togskipi hlaut höfuðáverka þegar hann klemmdist á milli toghlera og gálga, þegar skipið var á veiðum á Látragrunni út af Látrabjargi um sex leitið í morgun.

Guðbjartur segist ekki ganga gegn kjararáði

Guðbjartur Hannesson velferðarráðherra segir að hann hafi ekki gengið gegn kjararáði við mjög umdeilda launahækkun hjá Birni Zoega forstjóra Landspítalans. Eins og kunnugt er hækkaði Guðbjartur laun forstjórans um 450 þúsund kr. í vikunni.

Veitingastað lokað þar sem dyravörðurinn var réttindalaus

Veitingastað í vesturborginni var lokað um miðnætti. Ekki var það vegna þess að opið væri of lengi, eða að verið væri að selja fólki undir lögaldri áfengi, né heldur að of margir væru inni á staðnum, heldur vegna þess að dyravörðurinn hafði ekki tilskilin réttindi til að sinna því embætti.

Finnar setja skilyrði fyrir loftrýmisgæslu við Ísland

Carl Haglund varnarmálaráðherra Finnlands segir að þátttaka flughers landsins í loftrýmisgæslu við Ísland sé háð nokkrum skilyrðum.

Lögregluna grunar að hraðbankaþjófar séu farnir úr landi

Grunur leikur á að þrír útlendingar, sem sviku fé út úr hraðbanka á Akureyri þriðja september síðastliðinn, séu farnir úr landi.

Enn leitað að meintu þjófagengi á Akureyri

Lögreglan á Akureyri leitar enn að þremur einstaklingum sem stálu fé út úr hraðbanka á dögunum, en lögreglan lýsti eftir fólkinu í fjölmiðlum í gær. Um er að ræða tvo karlmenn og konu sem eru líklega útlensk að mati lögreglunnar, en það hefur þó ekki fengist staðfest.

Brotist inn í apótek í nótt

Brotist var inn í apótek við Vínlandsleið í Reykjavík í nótt. Tilkynning um innbrotið barst um klukkan fjögur, en þegar lögregla kom á vettvang voru þjófarnir á bak og burt. Ekki kemur fram í skeyti frá lögreglu hvort, eða hverju var stolið, en þjófarnir eru ófundnir.

Rukkað í öll bílastæði við HÍ og Landspítala

Bílanotkun nemenda Háskóla Íslands (HÍ) og starfsfólks Landspítalans þarf að dragast saman sem mótvægisaðgerð við aukinni umferð við nýjan Landspítala. Gert er ráð fyrir gjaldtöku við öll bílastæði í háskólanum, við spítalann og á milli gömlu og nýju Hringbrautar. Þetta segir Hjálmar Sveinsson, varaformaður skipulagsráðs Reykjavíkurbogar.

Kæra lausagöngu sauðfjár

Ábúendur á bæ í Dalabyggð hafa kært til lögreglu ákvörðun sveitarstjórnar um að sinna ekki smölun á sauðfé sem gengur laust í byggð. Sveitarstjórnin hvetur Vegagerð og landeigendur til að girða betur.

Ríkið í samstarf við nýtt félag um Geysi

"Ein mjóróma rödd gat sagt nei en nú er orðinn til sameiginlegur félagsskapur sem stefnir að sama marki. Ég er mjög ánægð með þetta,“ segir Drífa Kristjánsdóttir, oddviti Bláskógabyggðar, um stofnun sameiginlegs félags eigenda 65 prósenta Geysissvæðisins.

Ragnheiður Elín: Auðvitað er ég ráðherraefni

Bjarni Benediktsson, formaður Sjálfstæðisflokksins, tilkynnti Ragnheiði Elínu Árnadóttur í síðustu viku að hann myndi leggja til að Illugi Gunnarsson tæki við af henni sem formaður þingflokksins. Þetta kom henni á óvart, þar sem hún hafði gert ráð fyrir að gegna því embætti út kjörtímabilið, en hún tók við þegar Illugi tók sér hlé frá þingstörfum á meðan rannsókn á Sjóði 9 fór fram.

Leigubílaskýli ekki aftur í Lækjargötu

"Það hefur ekki staðið til boða hjá borginni að setja þetta skýli niður við Mæðragarðinn aftur,“ segir Ólafur Bjarnason, samgöngustjóri í Reykjavík.

Erlendir sælkerar vilja íslenska lambið

„Við erum að horfa á útflutning til dýrari markaða í Evrópu og Asíu. Svo á íslenska lambakjötið að sjálfsögðu heima í Kanada og við erum að skoða þann möguleika mikið,“ segir Helgi Einarsson, framkvæmdastjóri Íslenskra matvara og ritari Alheimssamtaka matreiðslumanna (WAX).

Óttast mengun á framkvæmdatíma

Gísli Marteinn Baldursson, borgarfulltrúi Sjálfstæðisflokksins, segir áhyggjur íbúa vegna aukinnar umferðar við nýjan Landspítala réttmætar. Furðulítil grein hafi verið gerð fyrir umferðaraukningunni og ráðstafanir til að reyna að takmarka þær séu ekki nógu sannfærandi.

Mögulegt að stela skyrinu af Íslendingum

Einar Karl Haraldsson, ráðgjafi og fyrrum upplýsingafulltrúi forsætisráðuneytisins, segir að skyrinu, sem framleiðsluvöru, geti hæglega verið stolið af Íslendingum með eftirlíkingum frá öðrum löndum. Hægt er að fara ákveðnar leiðir til að koma í veg fyrir þetta og þeirra raunhæfust er sú að setja löggjöf um vernd vöruheitisins.

Samstarfskonurnar ósáttar við Guðbjart

Kvennahreyfing Samfylkingarinnar er ekki ánægð með ákvörðun Guðbjarts Hannessonar, velferðarráðherra, að hækka laun forstjóra Landspítalans um 450 þúsund krónur á mánuði á meðan aðrir starfsmenn á spítalanum hafa mátt þola kjaraskerðingu.

Hundur í óskilum

Þessi svarti hundur fannst á Hafnarfjarðarvegi í kvöld. Hann var blautur og ólarlaus en afar góður og hlýðinn að sögn finnanda. Ef einhver saknar hvutta er hægt að komast í samband við aðilann sem fann hann í síma 778-6686.

"Hér verður ekki farið að stunda óreglu“

"Hér verður ekki farið að stunda neina óreglu," segir Guðmundur Hallvarðsson, stjórnarformaður Hrafnistu um nýjan veitingasal Hrafnistu sem nefndur er Skálafell. Salurinn hefur haft vínveitingaleyfi síðan í morgun.

Sláturtíð á Selfossi

Um hundrað þúsund fjár verður slátrað hjá SS á Selfossi næstu átta vikurnar. Fjörutíu Pólverjar og átta Nýsjálendingar fluttu sérstaklega á Selfoss til að vinna í slátruninni. Hluti af kjötinu fer til Japans, en þeir vilja bara spikfeitt lambakjöt og borða það helst hrátt. Þá er lambakjöt nú í fyrsta sinn flutt til Rússlands.

Snilldarlausnir á dagskrá í ár

Frumkvöðlasetrið Innovit handsalaði í dag samstarfssamning við Marel og Samtök atvinnulífsins um hugmyndasamkeppni framhaldsskólanna sem nefnist Snilldarlausnir Marel. Keppnin verður því haldin í fjórða sinn í ár.

Bæjarstjóri ánægður að fá að sjá Magnús áfram

Bæjarstjóri Hveragerðisbæjar, Aldís Hafsteinsdóttir, fagnar því innilega að Stöð 2 hafi ráðið Magnús Hlyn Hreiðarsson, fréttamann af Suðurlandi, til starfa. „Það gerist auðvitað að einkaaðilar standi sig betur en hið opinbera og þetta virðist vera dæmi um það," segir hún.

Margir fá kransæðastíflu án þess að hafa hugmynd um það

Svokölluð þögul hjartaáföll eru stærra vandamál en áður hefur verið talið. Þetta leiðir ný rannsókn, sem unnin var hér á landi, í ljós.

Virkjanaframkvæmdir gætu hafist fyrir áramót

Landsvirkjun stendur frammi fyrir því að hefja virkjanaframkvæmdir á Norðausturlandi þegar fyrir áramót, þrátt fyrir að nú stefni í að orkusamningar skýrist ekki endanlega fyrr en í vor. Tilboð í borun þriggja háhitahola í Bjarnarflagi voru opnuð í dag og bauð aðeins einn aðili í verkið. Landsvirkjun áformar smíði jarðvarmavirkjana bæði í Bjarnarflagi og á Þeistareykjum til að mæta orkuþörf stóriðju við Húsavík, og í dag voru opnuð tilboð í borun á allt að þremur háhitaholum.

Fá mynddiskana ekki afhenta

Meirihluti Hæstiréttar staðfesti niðurstöðu Héraðsdóms Reykjaness um að verjendur Annþórs Karlssonar og fleiri sakborninga fái ekki afhenta mynd- og hljóðdiska með skýrslutökum af ákærðu og vitnum í málinu. Þetta var niðurstaðan þrátt fyrir að Börkur Birgisson, einn sakborninga, hefði fyrir mistök fengið aðgang að diskunum.

Árekstur á Álftanesvegi

Árekstur varð á Álftanesvegi um klukkan hálf fimm í dag. Þar skullu tveir bílar saman en að sögn varðstjóra hjá slökkviliðinu virðist sem enginn sé alvarlega slasaður. Allir eru komnir út úr bílunum. Sjúkraflutningamenn og lögregla eru enn að störfum á vettvangi.