Upptaka annars gjaldmiðils en krónunnar nauðsynlegt skref

,,Full aðild að ESB myndi færa okkur traustari gjaldmiðil en við höfum núna en henni myndu einnig fylgja ákveðnir ókostir. Ísland þyrfti að gangast undir sameiginlega fiskveiðistefnu ESB, sem veikir stöðu sjávarútvegsins og við yrðum hluti af sístækkandi stjórnkerfi sambandsins," segir Árni Helgason í pistli á vefsíðunni Deiglunni.

37 milljónir sendar til Kongó

Rauði kross Íslands hefur sent 37 milljónir króna til leitarþjónustuverkefnis Rauða krossins í Kongó sem stuðlar að því að sameina fjölskyldur sem hafa sundrast vegna átaka.

Ellefu þúsund Íslendingar þakka Færeyingum á Netinu

Rétt liðlega ellefu þúsund manns hafa skráð nafn sitt við þakkarkveðju til Færeyinga, sem ákváðu á dögunum að lána Íslendingum 300 milljónir danskra króna eða um 6 milljarða íslenskra. Algjör pólitísk sátt var um málið í Færeyjum og er víst að mörgum Íslendingum hlýnaði um hjartaræturnar við að heyra fréttirnar.

Samstarf við einkaaðila betra en samkeppni

,,Á meðan Íslandspóstur er ríkisfyrirtæki á það að sinna sinni kjarnastarfsemi og ekki vera í samstarfi eða samkeppni við einkaaðila hvort sem það er á þessu sviði eða öðrum," segir Sigurður Kári Kristjánsson alþingismaður og bætir við að samkeppnisaðstaða einkarekinna fyrirtækja við slíkar aðstæður geti aldrei talist jöfn eða sanngjörn.

„Peningafalsarinn" fundinn

Ráðgátan um Davíðsseðilinn er upplýst. Eins og greint var frá í morgun komst einhver óprúttinn aðili upp með að greiða fyrir vörur í verslun í Reykjavík með tíu þúsund króna seðli sem skartaði mynd af Davíð Oddssyni Seðlabankastjóra. Seðillinn er vitanlega ekki löggildur enda enginn tíu þúsund króna seðill til enn sem komið er. Uppruna seðilsins má hins vegar rekja til lokaverkefnis í Listaháskóla Íslands í fyrra þegar Óðinn Þór Kjartansson, nemi í grafískri hönnun sýndi tvær fullar töskur af Davíðsseðlum.

Boða annan borgarafund og vilja flokksformenn á staðinn

Hópur manna sem stóð fyrir opnum borgarafundi í Iðnó fyrir rúmri viku blæs til annars fundar á laugardaginn kemur á sama stað vegna efnahagsástandsins.

Vegagerðin stöðvar útboð á verkum

Vegagerðin hefur stöðvað öll frekari verkútboð og afturkallað þau útboð, sem þegar voru komin í auglýsingu.

Geir býst við að samstarf við Bandaríkin styrkist með kjöri Obama

Geir H. Haarde forsætisráðherra hlakkkar til að hitta Barack Obama á næsta leiðtogafundi NATO og gerir ráð fyrir að hið góða samstarf Íslands og Bandaríkjanna muni styrkjast eftir að hann taki við í Hvíta húsinu.

Lífsýni í rannsókn vegna meintrar nauðgunar

Lögregla hefur tekið lífsýni úr fjórum mönnum og 17 ára stúlku vegna rannsóknar á því hvort mennirnir hafi nauðgað stúlkunni. Engin játning liggur fyrir í málinu.

Greiddi fyrir vörur með fölsuðum Davíðsseðli

Kreppan á Íslandi hefur tekið á sig nýja og áður óþekkta mynd í formi peningafölsunar.

Nagladekk kosta borgina 300 milljónir á ári

Kostnaður Reykjavíkurborgar vegna notkunar nagladekkja er sennilega um 300 milljónir króna á ári. Ef engin bifreið á götum borgarinnar væri búin nagladekkjum gæti Reykjavíkurborg sennilega sparað um það bil 300 milljónir króna árlega.

Rannsaka enn margra milljarða millifærslur frá Kaupþingi

Skilanefnd Kaupþings hefur sent frá sér yfirlýsingu þar sem segir að ekkert liggi fyrir um að fjármunum hafi verið með ólögmætum hætti ráðstafað úr sjóðum bankans eða að peningar hafi verið færðir til landa þar sem erfitt er að komast að því hver reikningseigandinn er, eins og gefið hafi verið til kynna í fréttum Stöðvar 2 og Vísis í gær. Enn sé verið að rannsaka starfsemi bankans.

Undirskriftum fjölgar um 7500 á tveimur dögum

Rúmlega 10200 manns hafa ritað nafn sitt á vefsíðu þar sem Færeyingum er þakkað fyrir veitta aðstoð og hefur þeim fjölgað um ríflega 7500 á tveimur dögum.

Skilorðsbundinn dómur fyrir bensínþjófnað

Karlmaður á þrítugsaldri hefur verið dæmdur í 45 daga skilorðsbundið fangelsi fyrri að hafa í tvígang stolið bensíni á bensínstöðvum Olís í Reykjavík á árunum 2006 og 2007.

Ríkisstjórnin ber ábyrgð á auknu atvinnuleysi og hruni heimilanna

Miðstjórn Samiðnar lýsir fullri ábyrgð á hendur íslenskum stjórnvöldum vegna vaxandi atvinnuleysis og efnahagslegu hruni heimilanna.

Dæmd fyrir að svíkja fé út af bankareikningi

Héraðsdómur Reykjavíkur hefur dæmt karlmann í mánaðar óskilorðsbundið fangelsi og konu í jafnlangt skilorðsbundið fangelsi fyrir að svíkja 300 þúsund kónur út af reikningi annars manns hjá Kaupþingi.

Formaður félagsmálanefndar gagnrýnir nýju bankana

,,Ég hef verið óánægður með bankana vegna þess að mér hefur fundist það taka alltof langan tíma að samræma reglur á milli þeirra og tryggja það að fólk viti hvað er framundan í sambandi við íbúðalánin," segir Guðbjartur Hannesson formaður félags- og tryggingamálanefndar Alþingis.

Vill að ríkisstjórnin tileinki næsta ár skapandi hugsun og nýsköpun

Þór Sigfússon, formaður Samtaka atvinnulífsins, leggur til að ríkisstjórnin tileinki næsta ár skapandi hugsun og nýsköpun og vill að stjórnmálaflokkar á Alþingi sameinist um lausn efnahagsvandans í stað þess að deila.

Kjör Obama opnar ný tækifæri fyrir Íslendinga

Ingibjörg Sólrún Gísladóttir utanríkisráðherra segir kjör Baracks Obama sem forseta Bandaríkjanna hafa táknræna þýðingu og breyta ásýnd Bandaríkjanna bæði innanlands og utan. „Það felur í sér nýtt tækifæri fyrir Bandaríkin til að verða forysturíki á sviði lýðræðis og friðar í heiminum," segir utanríkisráðherra í yfirlýsingu vegna bandarísku forsetakosninganna.

Fjórði maðurinn í gæsluvarðhald vegna gruns um nauðgun

Héraðsdómur Reykjavíkur hefur úrskurðað fjórða manninn, sem handtekinn var vegna gruns um að hafa naugðað 17 ára stúlku, í gæsluvarðhald.

Greiðslukortavelta dregst saman um nærri fimm prósent

Greiðslukortavelta heimilanna á fyrstu níu mánuðum ársins dróst saman um 4,6 prósent að raunvirði miðað við sama tímabil í fyrra. Þetta sýna hagvísar Hagstofunnar.

Meiddist þegar grjót féll á bíl á Óshlíð

Ökumaður meiddist, en þó ekki alvarlega, þegar grjót féll úr Óshlíðinni skömmu fyrir klukkan átta í morgun og lenti á bílnum.

Gistinætur nærri 1,1 milljón á fyrstu níu mánuðum ársins

Gistinætur á hótelum í september síðastliðnum voru 121.700 eða eitt þúsund fleiri en í sama mánuði í fyrra.

Vöruskipti hagstæð annan mánuðinn í röð

Vöruskipti við útlönd í nýliðnum október voru hagstæð um nærri ellefu milljarða króna samkvæmt bráðabirgðatölum Hagstofunnar. Þetta er annar mánuðurinn í röð sem vöruskiptin eru hagstæð en í september voru þau hagstæð um nærri átta milljarða.

Skora á stjórnvöld að afþakka breskt loftrýmiseftirlit

Stjórn Farmanna- og fiskimannasambands Íslands skorar á stjórnvöld að afþakka fyrirhugað loftrýmiseftirlit Breta nú á haustdögum.

Handtekinn fyrir innbrot í bíla

Lögreglan á höfuðborgarsvæðinu handtók i nótt karlmann sem er grunaður um að hafa brotist inn í að minnsta kosti tvo bíla við Leifsgötu og stolið úr þeim verðmætum.

Björgunarsveit kölluð til Hnífsdals

Bálhvasst var í Hnífsdal í nótt og um klukkan fjögur var björgunarsveitin á Ísafirði kölluð út. Þá höfðu lausamunir fokið á félagsheimilið og brotið þar tvær rúður og feykt upp hurðum.

Ók á bíla, tré og staur

Ökumaður missti stjórn á bíl sínum á Skipagötu á Akureyri í nótt með víðtækum afleiðingum.

Búist við sigri demókrata á öllum vígstöðvum

„Ég held að það bendi allt til þess að Obama nái að vinna sigur," segir Baldur Þórhallsson, prófessor í stjórnmálafræði. Baldur er staddur á kosningavöku bandaríska sendiráðsins sem haldinn er á Grand Hótel.

Jón Baldvin: „Obama er okkar von“

„Ef það gerist í nótt að svartur maður sem er ættaður frá Kenía með millinafnið Hussein verður forseti Bandaríkjanna, þá hefur heimurinn breyst,“ sagði Jón Baldvin Hannibalsson í viðtali við Ríkissjónvarpið af kosningavöku á Grand Hótel fyrir stundu.

Grunaðir nauðgarar í gæsluvarðhald - Fjórði maðurinn handtekinn í kvöld

Lögreglan handtók í morgun þrjá karlmenn sem grunaðir eru um að hafa nauðgað 17 ára gamalli stúlku í heimahúsi í Reykjavík. Þeir hafa nú allir verið úrskurðaðir í gæsluvarðhald fram á þriðjudag í næstu viku. Um kvöldmatarleytið handtók lögreglan síðan fjórða manninn en verið er að taka fyrir gæsluvarðhaldskröfu á hendur honum.

Mótmæli við Miklubraut - myndband

Mótmælaborðar voru hengdir upp á göngubrú yfir Miklubraut í gærmorgun. Þar voru ökumenn hvattir til þess að flauta ef þeir vildu ekki að börnin myndu borga. Einnig voru þeir hvattir til þess að flauta ef þeir vildu sjá nýja seðlabankastjórn.

Erlendir sérfræðingar nauðsynlegir í rannsókn á bankahruni

Bogi Nilsson fyrrverandi ríkissaksóknari segir ákæruvaldið ekki hafa á að skipa starfsmönnum sem geta innt af hendi þá sérfræðilegu athugun sem nauðsynlega þarf til þess að skoða aðdragandann að bankahruninu. Hann segir nauðsynlegt að erlendir sérfræðingar komi að málum. Bogi var skipaður af Valtý Sigurðssyni núverandi ríkissaksóknara til þess að stjórna skýrslugerð um hrun bankanna þriggja. Bogi hefur nú ákveðið að hætta við að stýra því verkefni þar sem hann telur sig ekki lengur njóta nægilegs almenns trausts til að sinna því. Þetta kemur fram í tilkynningu sem Bogi sendi frá sér í kvöld.

Formaður fjárlaganefndar vill lækka laun ríkisbankastjóranna

Sitjandi bankastjórar ríkisbankanna verða þar ekki lengi og stöðurnar verða auglýstar, segir Gunnar Svavarsson formaður fjárlaganefndar. Hann vill lækka laun ríkisbankastjóranna.

Fékk ákúrur vegna skoðana sinna um brottvikningu seðlabankastjóra

Sjálfstæðismenn greinir á um hvort Davíð Oddsson og hinir seðlabankastjórarnir, sem og bankaráð, eigi að víkja. Ragnheiður Ríkharðsdóttir fékk ákúrur í dag fyrir að viðra skoðanir sínar um málið opinberlega.

64 hópuppsagnir í október

Í októbermánuði bárust Vinnumálastofnun 64 tilkynningar um hópuppsagnir þar sem sagt var upp samtals um 2.950 manns. Um 46% tilkynninganna voru vegna starfsmanna í mannvirkjagerð. Uppsagnir í fjármálastarfsemi, þar sem uppsagnir Landsbanka, Glitnis og Kaupþings vega þyngst, eru um 20% af tilkynningunum. Tæp 14% uppsagnanna koma úr verslunargeiranum og um 11% úr iðnaði, í flestum tilvikum tengdur mannvirkjagerð. Um 4% uppsagna er í sérfræðistarfsemi og útgáfustarfsemi og tæp 4% uppsagnanna eru úr flutningastarfsemi þar sem póstdreifing vegur þyngst. Loks voru 1% uppsagna úr ýmiskonar þjónustu.

Jarðskjálfti upp á 4,3 yst á Reykjanesskaga

Jarðskjálfti varð fyrir skömmu tæpa fjóra kílómetra vestur af Grindavík, yst á Reykjanesskaga. Skjálftinn mældist 4,3 samkvæmt fyrstu mælingum og fannst vel í Reykjanesbæ.

Róbert: Fyrirferð RÚV á aulýsingamarkaði veikir lýðræðið

Róbert Marshall, varaþingmaður Samfylkingarinnar segir að fyrirferð Ríkisútvarpsins á auglýsingamarkaði valdi samþjöppun einkarekinna miðla og veiki lýðræðið. Þetta kom fram í máli hans á Alþingi í dag þar sem rætt var um stöðuna á fjölmiðlamarkaði. Róbert fullyrti í sömu ræðu að forstjóri 365 miðla vilji ákveða sjálfur hverjir vinni á fréttastofu og á Fréttablaðinu. Ari Edwald, forstjóri 365, segir slíkt ekki viðhaft hjá 365. Þar hafi stjórnendur sjálfræði um sitt mannahald.

Sullenberger sendir frá sér Sterling-myndbönd

Jón Gerald Sullenberger sendir fjölmiðlum tvö ný myndbönd um Sterling. Í skeyti sem fylgir með myndböndunum talar Jón Gerald um Sterling bullið sem hann segir mesta „kjaftæðis-bull íslenskrar viðskiptasögu“.

Þrír karlmenn í haldi vegna nauðgunar í heimahúsi

Þrír karlmenn voru handteknir í morgun í tengslum við nauðgun á 17 ára gamalli stúlku í heimahúsi á höfuðborgarsvæðinu. Björgvin Björgvinsson yfirmaður kynferðisbrotadeildar segir að mennirnir verði yfirheyrðir í kvöld en búið er að leggja fram kæru á hendur þeim.

Frumvarp um aðgerðir gegn atvinnuleysi lagt fram

Jóhanna Sigurðardóttir félags- og trygginarmálaráðherra hefur formlega lagt fram frumvarp á Alþingi um breytingar á lögum um atvinnuleysistryggingar og Ábyrgðarsjóð launa.

Meirihluti þingflokks Framsóknar vill ESB-viðræður

Meirihluti þingmanna Framsóknarflokksins vill að Ísland hefji aðildarviðræður við Evrópusambandið. Guðni Ágústsson, formaður flokksins, og Bjarni Harðarson eru í minnihluta í þingflokknum.

Geir: Icesave-hneykslið má aldrei koma fyrir aftur

Geir H. Haarde forsætisráðherra segir að koma verði í veg fyrir að Icesave-hneykslið, eins og hann orðar það, geti nokkurn tíma komið upp aftur. Þetta sagði ráðherrann í fyrirspurnartíma á Alþingi í dag.

Ljósin biluð á stærstu gatnamótum landsins

Búast má við einhverjum töfum við stærstu gatnamót landsins nú í eftirmiðdaginn þar sem umferðarljósin þar biluðu.

Man ekki til þess að Brown hafi lagt til að Íslendingar leituðu til IMF

Geir H. Haarde forsætisráðherra rekur ekki minni til að Gordon Brown, forsætisráðherra Bretlands, hafi á fundi þeirra í apríl lagt til að Íslendingar leituðu þá ásjár Alþjóðagjaldeyrissjóðsins vegna erfiðleika fjármálakerfisins. Þetta kom fram í svari hans við fyrirspurn Jóns Magnússonar, þingflokksformanns Frjálslynda flokksins, á Alþingi í dag.