Greiddi fyrir vörur með fölsuðum Davíðsseðli

Kreppan á Íslandi hefur tekið á sig nýja og áður óþekkta mynd í formi peningafölsunar.

Þannig rannsakar auðgunarbrotadeild lögreglunnar á höfuðborgarsvæðinu mál þar sem maður afhenti falsaðan tíu þúsund króna seðil með mynd af Davíð Oddssyni seðlabankastjóra þegar hann keypti vörur í matvörurverslun á höfuðborgarsvæðinu.

Viðkomandi keypti vörur fyrir þrjú þúsund krónur og fékk sjö þúsund krónur til baka. Telur lögregla rétt að árétta að engir slíkir seðlar hafa verið gefnir út hér á landi og biður starfsfólk verslana að vera á varðbergi.

Ómar Smári Ármannsson hjá auðgunarbrotadeild lögreglunnar á höfuðborgarsvæðinu segir lögreglu líta málið alvarlegum augum en verið er að afla mynda úr öryggismyndavél í versluninni til að bera kennsl á hinn hugmyndaríka falsara.