Jarðskjálfti í nágrenni Krísuvíkur

Jarðskjálfti upp á 4,6 á Richterskala varð klukkan 14:30 í dag. Upptök skjálftana eru um 7,7 kílómetra aust-norð-austur af Krísuvík samkvæmt upplýsingum á heimasíðu Veðurstofunnar. Skjáfltinn fannst mjög víða á höfuðborgarsvæðinu og allt austur á Selfoss. Nokkur vegsummerki eru víða vegna skjálftans en rúða brotnaði í heimahúsi í Garðabæ.

Nýr framkvæmdarstjóri hjá Vensy

Jorge Eugui hefur tekið við starfi framkvæmdastjóra hjá Vensy, dótturfélagi Alfesca á Spáni. Vensy er markaðsleiðandi í sölu á reyktum laxi á Spáni, bæði í eigin vörumerki, Skandia, og í vörumerkjum stórmarkaða með um 20% markaðshlutdeild, þar af 13% í eigin vörumerki, Skandia. Hjá fyrirtækinu starfa tæplega 300 starfsmenn.

Segir stjórnvöld fela niðurstöður

Það er engu líkara en stjórnvöld vilji fela niðurstöður rammaáætlunar um samanburð á virkjanakostum og líklegum umhverfisáhrifum þeirra. Þetta sagði Steingrímur Hermannsson, fyrrverandi forsætisráðherra í Silfri Egils í gær.

Bakkaði á kyrrstæðan bíl

Síðastliðin vika var róleg í umdæmi lögreglunnar í Vík í Mýrdal en fimm ökumenn voru kærðir fyrir of hraðan akstur. Sá sem hraðast ók var á 123 km hraða. Eitt umferðaróhapp varð í Vík en ökumaður ók aftur á bak á kyrrstæðan bíl.

Þróun hagkerfisins vekur athygli erlendis

Birgir Árnason, þingmaður Sjálfstæðisflokksins og þriðji varaforseti Alþingis, og Jón Gunnarsson, þingmaður Samfylkingarinnar, sóttu fund þingforseta smærri ríkja í Evrópu sem haldinn var í Mónakó í lok febrúar.

Höfðu afskipti af 80 ökumönnum

Lögreglumenn í umdæmi lögreglunnar á Álftanesi, í Garðabæ og Hafnarfirði höfðu afskipti af 80 ökumönnum vegna umferðarlagabrota í liðinni viku. Þar af voru 62 vegna hraðaksturs og fjögur vegna gruns um ölvun við akstur.

1.500 búnir að skila inn framtölum

Skattframtöl landsmanna eru þegar tekin að skila sér til skattstjóra landsins. Um 1.500 manns hafa talið fram á netinu en búast má við að áður en yfir lýkur skili rúmlega 200 þúsund manns framtölum sínum á netinu.

Loðnuvertíðinni að ljúka

Loðnuvertíðinni er að ljúka og eru nú aðeins þrjú skip eftir á miðunum út af Snæfellsnesi, þar sem loðnan hrygnir og drepst. Lang flest loðnuskipin eru búin með kvóta sína og því hætt veiðum og skipin þrjú, sem enn eru úti, eiga aðeins eftir að veiða smá slatta.

Ökumaður fékk aðsvif og velti bíl sínum

Lögreglan á Selfossi fékk tilkynningu um útafakstur og bílveltu á Hellisheiði um klukkan átta í morgun. Talið er að ökumaður bílsins hafi fengið aðsvif en bíll hans hafnaði utan vegar á Hellisheiði austan við Smiðjulaut.

Hverfagæsla áfram á Seltjarnarnsei

Hverfagæsla mun halda áfram á Seltjarnarnesi en samningur þess efnis hefur verið endurnýjaður milli bæjarins og öryggisgælsyfyrirtækisins Securitas. Verkefnið hófst í október síðastliðinn en markmið þess er að sporna gegn innbrotum og skemmdarverkum í bænum.

Helst illa á ráðherrum

Það þarf að leita allt aftur til áttunda áratugar síðustu aldar til að finna ríkisstjórn sem situr í fjögur ár án þess að einn eða fleiri ráðherrar láti af embætti. Árni Magnússon er fjórði ráðherrann til að láta af embætti á þessu kjörtímabili.

Ungur drengur brenndist á fæti á Nesjavöllum

Tólf ára drengur brenndist á fæti þegar hann steig í hver við Nesjavelli á laugardaginn. Drengurinn var á göngu með föður sínum er fótur hans fót niðurúr gróðurþekju og heitan hver sem var þar undir og hlaut hann brunasár upp að ökla. Sjúkralið og lögregla komu til móts við feðgana að Nesbúð þar sem drengurinn hlaut aðhlynningu. Enn er ekki vitað hversu alvarlegur bruninn var.

Lítill þorskstofn í Barentshafi

Allt bendir til að þorskstofninn í Barentshafi sé minni en vonir stóðu til. Í frétt á heimasíðu Inter seafood kemur fram að rússneskir og norskir leiðangrar í haust og vetur bendi til að svo sé. Norski leiðangursstjórinn Asgeir Aglen telur að það vanti sterkan nýliðunarárgang þorsks til að bera uppi stofninn á komandi árum.

Óvenju mikið um hraðakstur miðað við árstíma

Alls voru 22 ökumenn kærðir fyrir of hraðan akstur í umdæmi lögreglunnar á Akranesi í nýliðinni viku en það er óvenju mikið. Í janúar og febrúar í ár hafa 122 ökumenn verið kærðir fyrir hraðakstur en á sama tíma fyrir ári voru 51ökumaður kærður og 49 árið 2004.

Mótmæla styttingu stúdentsprófs á morgun

Framhaldsskólanemar ætla að koma saman á Austurvelli á miðvikudags morgun, til að mótmæla áformum Þorgerðar Katrínar Gunnarsdóttur, menntamálaráðherra, um að stytta nám til stúdentsprófs um eitt ár.

Gistinóttum í janúar heldur áfram að fjölga

Gistinóttum á hótelum fjölgaði um tæp 13% í janúar frá því á síðasta ári. Alls voru gistinætur í janúar 40.600 en 36.000 í sama mánuði árið 2005. Gistinóttum fjölgaði hlutfallslega mest á Suðurnesjum, vesturlandi og Vestfjörðum eða úr 2500 gistinóttum í 4.500 sem er 80% aukning milli ára.

Tvær nýjar GSM stöðvar á Akureyri

Og Vodafone hefur nú tekið í nokun tvær nýjar GSM stöðvar á Akureyri en þær eiga að efla enn frekar GSM samband viðskiptavina Og Vodafone á Akureyri. Stöðvarnar eru staðsettar við Sörlagötu og Glerártorg og eiga því að stuðla að betra sambandi í næsta nágrenni. Þá er ætlunin að fjölga GSM stöðvum enn frekar á Akureyri á næstu mánuðum.

Dönsku bankarnir verða að auka umsvif sín

Yngvi Örn Kristinsson, framkvæmdastjóri verðbréfasviðs Landsbankans segir að dönsku bankarnir verði að auka umsvif sín á sviði verðbréfaviðskipta og eignaumsýslu, eins og íslensku bankarnir geri, ef þeir vilji standa sig á alþjóðavettvangi.

Bíllinn í klessu

Bíleiganda í Vogum á Vatnsleysuströnd brá heldur í brún þegar hann ætlaði að vitja bíls síns í gærkvöldi, því hann reyndist allur lurkum laminn í orðsins fyllstu merkingu. Árásarmaðurinn eða mennirnir, hafa annaðhvort notað barefli eða sparkað í bílinn og dældað hann allan hringinn og auk þess farið upp á hann og dældað hann með stappi. Bíllinn er stórskemmdur, en skemmdarvargarnir eru ófundnir.

Reyndi af stinga af lögregluna

Maður, sem ætlaði að stinga lögregluna af í nótt, missti stjórn á bíl sínum á mótum Skúlagötu og Ingólfsstrætis og hafnaði á vegg Seðlabankans. Ástæða þess að lögregla vildi hafa tal af maninum var að bílnum hafði verið stolið af bílasölu fyrir nokkrum dögum og það var líka ástæða þess að hann vildi ekki tala við lögregluna og reyndi að stinga af. Maðurinn slapp lítið meiddur en hann er auk þjófnaðarins grunaður um að hafa ekið undir áhrifum einhverskonar lyfja.

3 loðnuskip leita enn að loðnu

Aðeins þrjú loðnuskip eru enn að leita loðnu og eru þau öll inni á Breiðafirði, þar sem loðnan hrygnir og drepst. Önnur skip eru ýmist búin með kvóta sína eða hætt veiðum vegna lítillar veiði upp á síðkastið.

Hópakstur gegn hraðakstri

Fjöldi ökumanna úr mörgum samtökum bíla- og vélhjólaeigenda, tók þátt í hópakstri úr miðborginni upp í Ártúnshverfi og til baka í gærkvöldi, til að minnast þeirra sem látist hafa í umferðarslysum upp á síðkastið.

Deilt um hlutfall meðafla

Frystitogarinn Venus, sem er í eigu HB Granda er enn í höfn í Tromsö í Noregi, eftir að norska strandgæslan tók togarann vegna meintra ólöglegra veiða og færði hann til hafnar í gærmorgun.

Gæslan gerir betur en herinn

Georg Lárusson, forstjóri Landhelgisgæslunnar segir að þegar hún taki yfir verkefni þyrlubjörgunarsveitar hersins fái herinn betri þjónustu en hann veitir sjálfum sér í dag. Viðbragðstími herþyrlna er einn og hálfur tími um helgar en hálftími hjá gæsluþyrlum - þegar þær eru í lagi.

Jónínubréf á Netið

Tölvupóstur, sem virðist innihalda afar viðkvæm og persónuleg einkabréf á milli Jónínu Benediktsdóttur og Styrmis Gunnarssonar, ritstjóra Morgunblaðsins, hefur verið settur á bloggsíðu sem hýst er í Bandaríkjunum. Lögmaður Jónínu segir málið verða kært til lögreglu, en slóð þessara bréfa verði væntanlega hægt að rekja til þeirra sem létu Fréttablaðinu í té tölvupóst sömu aðila.

Strætóferðir líklegar til Árborgar og Reykjanesbæjar

Framkvæmdastjóri Strætós telur mjög líklegt að komið verði á reglubundnum strætóferðum milli höfuðborgarsvæðisins og Árborgar og Reykjanesbæjar. Sams konar ferðir til og frá Akranesi hafa gengið mun betur en búist hafði verið við.

Stærsta hundasýning sem haldin hefur verið hér

Það var allt annað en hundleiðinlegt í Reiðhöll Fáks um helgina, en þar fór fram stærsta hundasýning sem haldin hefur verið hérlendis.

Gæsluvarðhald vegna hnífstunguárásar

Annar mannanna sem handteknir voru vegna hnífsstunguárásar á mann á skemmtistaðnum Gauki á Stöng í fyrrinótt hefur verið úrskurðaður í gæsluvarðhald til næsta föstudags.

Vélsleðamanni haldið sofandi á gjörgæsludeild

Manninum sem slasaðist er hann ók vélsleða sínum fram af snjóhengju á Langjökli í gær er haldið sofandi í öndunarvél á gjörgæsludeild Landsspítalans í Fossvogi, að sögn vakthafandi sérfræðings.

Mannabreytingar í ríkisstjórn Íslands

Mannabreytingar eru í uppsiglingu í ráðherraliði Framsóknarflokksins en þær verða kynntar eftir þingflokksfund í dag. Samkvæmt áreiðanlegum heimildum NFS verður nýr ráðherrar skipaður í embætti en einnig verða einhverjir ráðherrar færðir til.

Íslendingar fjárfestu jafnmikið og Bretar í Danmörku

Íslendingar fjárfestu jafnmikið og Bretar í Danmörku árið 2004 en þessar tvær þjóðir vermdu toppsætin í kaupgleði á dönskum fyrirtækjum. Í Kaupmannahafnarpóstinum er greint frá því að árið 2004 hafi íslensk fyrirtæki fjárfest fyrir 6,2 milljarða danskra króna í Danmörku, eða um 60 milljarða íslenskra króna, sem er nánast sama upphæð og Bretar fjárfestu fyrir.

Einnig ákvörðun um tilvist álversins í Straumsvík

Bæjarstjórinn í Hafnarfirði, Lúðvík Geirsson, segir að ákvörðun um hugsanlega stækkun Alcan sé jafnframt ákvörðun um það hvort álver verði til frambúðar í Straumsvík eða ekki. Forsætisráðherra sagði í fréttum NFS í fyrradag að forsvarsmenn Alcan hefðu skýrt ríkisstjórninni frá því að ef álverið fengist ekki endurbætt eða stækkað, þá yrði því lokað á næsta áratug.

Íslenskur togari grunaður um brot á norskum fiskveiðilögum

Frystitogarinn Venus var tekinn til hafnar í Noregi í gær vegna gruns um brot á norskum fiskveiðilögum. Verið er að rannsaka málið en áhöfnin telur sig ekki hafa haft rangt við.

Lögreglan hyggst leita eftir samstarfi vegna grófra árása

Lögreglan hyggst leita eftir samstarfi við rekstraraðila veitingastaða í borginni til að reyna að sporna betur við vopnuðum árásum og öðru grófu ofbeldi á og við veitingastaði. Tveir menn urðu fyrir hnífsstungum um helgina og eru fimm í haldi vegna árásanna.

TF SIF vonandi í gagnið á morgun

Vonast er til þess að þyrla gæslunnar TF SIF komist í gagnið á morgun. Fjöldi ferðamanna er á ferð um helgina. Viðbragðstími Varnarliðsþyrlanna er einn og hálfur tími um helgar en hálftími hjá gæslunni - þegar þyrlurnar eru í lagi.

Svipaðar kjarabætur og aðrir og breyttur vinnutími

Slökkviliðs- og sjúkraflutningamenn fá svipaðar kjarabætur og aðrir starfsmenn sveitarfélaga hafa fengið samkvæmt nýjum kjarasamningi sem undirritaður var af fulltrúum þeirra og launanefndar sveitarfélaga í nótt. Þá eru ákvæði um breytingar á vinnutíma.

Jarðskjálfti upp á 4,3 á Richter norður af Grímsey

Jarðskjálfti upp á 4,3 á Richter varð um 40 kílómetra norður af Grímsey upp úr klukkan tíu í morgun. Íbúar eyjarinnar urðu sumir hverjir greinilega varir við skjálftann en engar skemmdir urðu á mannvirkjum.

Opið í Hlíðarfjalli og Tindastól í dag

Opið er í Hlíðarfjalli við Akureyri í dag frá kl. 10-17. Flestar lyftur eru opnar og skíðafærið er troðinn þurr snjór að sögn forstöðumanns. Klukkan 8 í morgun var sjö gráðu frost og logn. Þá er einnig opið á skíðasvæði Tindastóls við Sauðárkrók frá klukkan 11-17.

Guðmundur sigraði í Fjarðabyggð

Guðmundur Þorgrímsson, oddviti í Austurbyggð, sigraði í gær í prófkjöri Framsóknarflokksins í fjórum sveitarfélögum á Austurlandi sem sameinast undir nafni Fjarðarbyggðar eftir sveitarstjórnarkosningarnar í vor.

Önnur hnífsstunga í miðborginni í nótt

Ungur maður var stunginn með hnífi fyrir framan skemmtistaðinn Glaumbar við Tryggvagötu um hálf sexleytið í morgun. Hann var fluttur á slysadeild Landspítalans og liggur nú á gæsludeild. Þetta er önnur hnífsstungan í miðborg Reykjavíkur um helgina en í fyrrinótt var ungur maður stunginn inni á skemmtistaðnum Gauki á Stöng.

Slökkviliðsmenn og launanefnd semja

Skrifað var undir samninga í kjaradeilu Landssambands slökkviliðs- og sjúkraflutningamanna og launanefndar sveitarfélaganna klukkan fimm í nótt eftir um sextán tíma samningafund. Samningurinn er til þriggja ára og er sambærilegur þeim samningum sem launanefnd sveitarfélaganna hefur gert við aðra hópa.

Landshlutapólitík í orkumálum bitnar á Suðurnesjamönnum

Landshlutapólitík í orkumálum hefur skaðað Suðurnes, að mati forstjóra Hitaveitu Suðurnesja, Júlíusar Jónssonar, sem segir stjórnvöld hindra orkuöflunaráform fyrirtæksins á Reykjanesskaga. Hann telur Hitaveituna geta útvegað nægilega orku til að álver í Helguvík geti hafið starfsemi á árunum 2010-2011, eða um svipað leyti og álver á Húsavík.

Hvorug þyrlan til taks

Hvorug þyrla Landhelgisgæslunnar var til taks í dag þegar sækja þurfti slasaðan mann á Langjökul á sama tíma og tilkynning barst um strand við Reykjavík. Herþyrla sótti manninn á Langjökul en utan skrifstofutíma er viðbragðstími hennar tvöfalt lengri en gæslunnar. Björgunarsveitarmenn segja ástandið óviðunandi.

Stríð í Straumi-Burðarási

Átök eru í uppsiglingu í eigendahópi Straums-Burðaráss eftir að varaformanninum Magnúsi Kristinssyni var velt úr sessi í gærkvöldi. Magnús kallar þetta ruddalegan yfirgang "stráksins" Björgólfs Thors Björgólfssonar og mun krefjast hluthafafundar og uppgjörs.

Hlýr sjór umhverfis Ísland

Hafið umhverfis Ísland hefur hlýnað á ný eftir skammvinnt kuldakast í kjölfar hafíss í fyrra. Bæði hiti og selta sjávar eru nú yfir meðallagi.