Fleiri fréttir

Álftanes verður Garðabær um áramótin

Fjárhagslegri endurskipulagningu Sveitarfélagsins Álftaness er lokið og hefur innanríkisráðherra leyst frá störfum fjárhaldsstjórn sem skipuð var til að annast verkefnið í samráði við bæjarstjórnina og innanríkisráðuneytið. Fjárhaldsstjórnin annaðist meðal annars samninga við lánardrottna og jafnframt kom fram tillaga sveitarfélagsins um sameiningu sveitarfélagsins við annað sveitarfélag. Var sameining við Garðabæ samþykkt í báðum sveitarfélögunum í haust.

Tindur Jónsson með greiningu á einhverfurófi

Það er gerólíkt að ala upp barn á einhverfurófi sem fengið hefur greiningu og barn á rófinu sem ekki hefur verið greint. Þetta segir Ýr Sigurðardóttir, sem gerðist nýlega yfirlækniir á flogaveikideild við fyrsta nýja barnaspítalann sem opnað hefur í Bandaríkjunum í 50 ár. Ýr er í forsíðuviðtali við Nýtt líf sem kemur út í dag.

Óku inn í snjóflóð

Þrír bílar óku inn í snjóflóð er féll á veginn við Selabólsurð, um 5 kílómetra frá Flateyri, nú seinnipartinn samkvæmt tilkynningu frá Landsbjörg. Sátu bílarnir fastir í flóðinu.

Steinhleðslur við Gömlu höfnina friðaðar

Mennta- og menningarmálaráðherra hefur ákveðið að tillögu húsafriðunarnefndar að friða Tryggvaskála á Selfossi og Seyðisfjarðarkirkju og nær friðunin til húsanna í heild, þ.e. bæði ytra og innra byrðis samkvæmt tilkynningu á heimasíðu vefsins. Þá hefur ráðherra ákveðið að friða elstu mannvirkin við Gömlu höfnina í Reykjavík. Um er að ræða eftirfarandi steinhleðslur, sem gerðar voru á árunum 1913 til 1945:

Varað við óveðri um helgina

Veðurstofan varar við óveðri á Vestfjörðum á föstudagskvöld og á laugardag um allt land, sérstaklega norðantil. Ekkert ferðaveður verður á norðanverðu landinu. Gert er ráð fyrir norðan 20-25 metrum á sekúndu og snjókoma á Vestfjörðum strax annað kvöld en norðan 18-28 metrum á sekúndu um vestanvert landið á laugardagsmorgun. Hægari vindur austanlands. Talsverð eða mikil snjókoma eða slydda á norðanverðu landinu og á Austfjörðum, slydda suðaustanlands, en annars úrkomulítið. Dregur úr vindi og ofankomu vestantil um kvöldið, en hvessir þá austanlands.

Ökklabrotinni konu bjargað

Björgunarfélagið Eyvindur á Flúðum og Sigurgeir í Skeiða- og Gnúpverjahreppi sóttu nú eftir hádegi konu sem slasaðist við Leiði í Þjórsárdalsskógi að því er fram kemur í tilkynningu frá Landsbjörg. Konan var á göngu, rann í hálku og er talið að hún sé ökklabrotin.

Datt í Skriðufellsskógi

Lögreglunni á Selfossi barst tilkynning rétt fyrir klukkan tvö í dag um konu sem hafði dottið í Skriðufellsskógi í Þjórsárdal og að öllum líkindum öklabrotnað.

Bylgjan kynnir mann ársins á morgun

Vísir og Bylgjan minna á valið á manni ársins sem fer fram á vefsíðum Vísis og Bylgjunnar. Í þættinum Reykjavík Síðdegis á morgun sem sendur verður út frá Perlunni, verður svo maður ársins kynntur og heiðraður.

Fimmtán ára strákar brutust inn í skóla

Tveir fimmtán ára piltar voru staðnir að innbroti í Stóru - Vogaskóla í Vatnsleysustrandarhreppi í fyrradag. Lögreglumaður á frívakt sá þá skríða inn um brotinn glugga á skólabyggingunni og gerði lögreglunni á Suðurnesjum þegar viðvart. Piltarnir höfðu brotið rúðu með grjóthnullungi. Þannig komust þeir inn í smíðastofu skólans þar sem þeir rótuðu til. Málið fer í hefðbundinn farveg, meðal annars til barnaverndarnefndar, með tilliti til ungs aldurs piltanna.

Óvissustig á Vestfjörðum - bær við Bolungarvík rýmdur

Snjóflóðavakt Veðurstofu Íslands hefur lýst yfir Óvissustigi á norðanverðum Vestfjörðum og einnig hefur verið ákveðið að rýma bæinn Geirastaði í Syðridal við Bolungarvík samkvæmt tilkynningu frá Almannavörnum.

Hjúkrunarfræðingar komu til aðstoðar eftir bílveltu

Betur fór en á horfðist þegar bílvelta varð við Litlu-Kaffistofuna í morgun. Kona sem var ein á ferð í bílnum slapp lítið slösuð. Eftir að bílinn valt dreif þar að tvo hjúkrunarfræðinga sem aðstoðuðu konuna. Þeir hlúðu að henni inni á Litlu-Kaffistofunni. Lögreglubíll og sjúkrabíll frá Reykjavík komu svo konunni til aðstoðar.

Skipt um hluta girðingarinnar á næsta ári

Fangelsismálastjóri segir að skipt verið um hluta girðingarinnar við Litla-Hraun á næsta ári. Bilun í tækjabúnaði hafi orðið til þess að Matthías Máni náði að strjúka úr fangelsinu en hann var yfirheyrður í morgun.

Ölvaður maður réðst á sjúkraflutningamenn

Ölvaður maður sem sjúkralið hafði farið að sinna á Háaleitisbraut réðst á sjúkraflutningsmenn. Hann hafði fallið niður stiga í húsi, en eftir að búið var að gera að sárum hans réðst hann á sjúkraflutningamennina og þurfti lögregla að handtaka manninn og vista í fangaklefa.

Var Whitney Houston drepin?

Whitney Houston var drepin af fíkniefnasölum og það eru til upptökur úr öryggismyndavélum sem sanna það. Þetta segir Paul Huebl einkaspæjari sem hefur rannsakað dauða hennar síðustu mánuði.

Alls óvíst hvaða áhrif innganga Mónakó og Andorra hefði á EES samninginn

Hugmyndir eru uppi um að þrjú smáríki, þar á meðal Mónakó og Andorra, gangi inn í EFTA samninginn og bætist því í hóp Íslands, Noregs og Lichtenstein sem eru í EES. Össur Skarphéðinsson utanríkisráðherra segir að málið hafi ekki verið borið upp við sig formlega en það hafi verið rætt óformlega á fundi utanríkisráðherra í byrjun desember. Hann segir þó að svo virðist sem málið hafi verið rætt í þaula innan Evrópusambandsins. Engin niðurstaða er komin í málið.

Áramótabrenna að Ásvöllum

Áramótabrenna verður að Ásvöllum, við Tjarnarvelli 7, á gamlárskvöld og verður bálið tendrað kl. 20.30 samkvæmt tilkynningu frá bæjaryfirvöldum í Hafnarfirði.

Stuðningsmenn Bhuttos minnast andláts hennar

Stór hópur fólks í Pakistanska þjóðarflokknum safnast saman í dag til þess að minnast þess að fimm ár eru síðan Benazir Bhutto, fyrrverandi forsætisráðherra landsins, var ráðin af dögum. Bhutto lést í byssu- og sprengjuárás árið 2007 á meðan kosningabarátta hennar stóð yfir. Hundruð þúsunda manna hafa tjaldað nærri ættaróðali Bhuttos í Sindh héraðinu. Atburðurinn í dag þykir vera mikilvægur áfangi á pólitískri vegferð Bilawals Bhutto-Zardari, sonar Bhuttos, og Asif Ali Zardari forseta landsins.

Hæstiréttur sakfelldi 171 níðing á 90 árum

Flestir barnaníðingar eru ungir karlmenn í samböndum og launaðri vinnu. Þolendur eru í langflestum tilvikum ungar stúlkur sem þekkja ofbeldismanninn. 171 karlmaður hefur verið dæmdur sekur fyrir barnaníð í Hæstarétti síðustu 90 ár.

Aðstoða fólk í bílum eftir snjóflóð

Björgunarsveit Landsbjargar á Ísafirði var kölluð út fyrir stundu til að aðstoða fólk í tveimur bílum, sem eru fastir á Kirkjubólshlíð vegna snjóflóðs sem féll þar á áttunda tímanum í morgun. Ekki er vitað til að neitt ami að fólkinu í bílunum, en Vegagerðin hefur nú varað við snjóflóðahætætu í Súðavíkurhlíð, sem tekur við af Kirkjubólshlíðinni.

Réðust á nágranna sem kvörtuðu yfir hávaða

Mikið var um heimapartí með mikilli háreysti víða á landinu í nótt og var lögreglan á Akureyri, Selfossi, í Reykjavík og í Keflavík kölluð á vettvang til að koma skikki á málin. Í Hamraborg í Kópavogi ætluðu nágrannar að biðja fólk að draga úr hávaða, en gestir þar réðust á fólkið og þurftu lögreglumenn að flytja það á Slysadeild, en áverkar voru þó ekki lavarlegir.

Snjór á suðvesturlandi

Víða snjóaði á suðvesturlandi í nótt og er víða hálka þar sem ekki er hálkuvarið. Þá gerir Veðurstofan ráð fyrir suðaustan hvassviðri og mjög hvössum hviðum undir Hafnarfjalli. Eitthvað snjóaði líka við Eyjafjörð í nótt en það á að fara að hlýna þannig að úrkoma breytist í slyddu eða rigningu.

Þurfti ítrekað að stöðva slagsmál á Selfossi

Tveir þurftu að leita læknis og lögregla þurfti ítrekað að stöðva slagsmál á óvenju fjölmennum dansleik í Hvíta húsinu á Selfossi í nótt, þar sem talið er að um sjö hundruð manns hafi verið saman komnir.

Réðst á kærasta sinn með kúbeini

Lögreglan þurfti í tvígang að kljást við heimilisofbeldi í gærkvöldi og í nótt. Fyrst var lögreglunni í Árnessýslu tilkynnt um að kona hafi ráðist á sambýlismann sinn með kúbeini og veitt honum áverka á höfði. Hann var fluttur á heilsugæslustöð en lögregla tók konuna í sína vörslu. Síðar var lögregla kölluð á vettvang þar sem ungur maður í annarlegu ástandi hafði ráðist á foreldra sína í fjölbýlishúsi í Breiðholti. Hann var handtekinn en foreldrarnir hlutu ekki alvarlega áverka

Bush enn fárveikur

George Bush eldri liggur enn fárveikur á spítala með mikinn hita. Hann var upphaflega lagður inn á spítala þann 7. nóvember síðastliðinn vegna bronchitis en var svo útskrifaður aftur þann 19. nóvember. Þann 23. nóvember var hann svo lagður aftur inn vegna þráláts hósta og hita.

New York Post hefur trú á Gunnari Nelson

Bardagakappinn Gunnar Nelson er í áttunda sæti á topp tíu lista bandaríska blaðsins New York Post yfir þá íþróttamenn í blönduðum bardagalistum, MMA, sem talið er að muni slá í gegn á næsta ári. Í greininni í blaðinu segir að Gunnar sé "sjóðheitur" um þessar mundir og gæti unnið titil í veltivigt á árinu. Þá er það tekið sérstaklega fram að Gunnar hafi aldrei tapað bardaga en hann keppir næst 16. febrúar við bardagamanninn Justin Edwards.

Rúmanýting á LSH er hættulega mikil

Rúmanýting á Landspítalanum er mun meiri en æskilegt er. Nýtingin á öllum spítalanum var 95 prósent í nóvember en fór yfir 97% á öllum bráðadeildum spítalans á sama tíma. Viðmiðið á Landspítalanum og öllum sambærilegum sjúkrahúsum í heiminum er nýting um 85 prósent.

Stjórnvöld þurfa að ganga frá samningum

Ekki hefur enn verið gengið frá samningum milli velferðarráðuneytisins og VIRK starfsendurhæfingarsjóðs vegna nýlegra lagabreytinga um atvinnutengda starfsendurhæfingu. Ríkisendurskoðun gagnrýnir stjórnvöld í nýrri úttekt á einstaklingsmiðaðri starfsendurhæfingu í landinu.

EA vísaði á byssuframleiðendur

Bandaríski tölvuleikjarisinn Electronic Arts (EA) markaðssetti stríðsleikinn Medal of Honor Warfighter í október með því að vísa beint af vefsíðu leiksins á vefsíður byssuframleiðenda.

Ferðin tekur átta tíma í stað 20

Lengsta háhraðalestarleið heims var tekin í notkun í Kína í gær, og er ekið frá höfuðborginni Beijing til viðskiptastórborgarinnar Guangzhou, sem er skammt frá Hong Kong.

Sigmar B. Hauksson látinn

Sigmar B. Hauksson, fjölmiðlamaður og fyrrverandi formaður Skotveiðifélags Íslands, er látinn. Hann lést á Landspítalanum aðfaranótt aðfangadags eftir stutt veikindi og baráttu við krabbamein. Hann var 62 ára.

Ranabjöllur flugu út úr skápunum

„Við keyptum fyrsta pokann seint í sumar og það varð allt morandi þá. Allt í einu voru komnir svartir maurar út um allt,“ segir Sandra Clausen.

Gekk tugi kílómetra á flóttanum

Matthías Máni flúði frá Litla-Hrauni upp úr hádegi mánudaginn 17. desember. Að sögn fangelsismálastjóra var Matthías við vinnu innan girðingar ásamt þremur öðrum föngum í umsjá eins fangavarðar. Á milli 45 mínútur og klukkutími leið þar til uppgötvaðist að hann var á bak og burt.

Af hverju valdi Time Obama persónu ársins? Hefur breytt landslaginu

Barack Obama vann bandarísku forsetakosningarnar í nóvember og fékk umboð til þess að halda áfram sem forseti næstu fjögur árin. Time valdi hann mann ársins, ekki síst með þeim rökum að hann hafi nú þegar breytt stjórnmálaáhuga í Bandaríkjunum og virkjað samfélagshópa sem áður voru útundan.

Sjá næstu 50 fréttir

Mest lesið