Fleiri fréttir

Ræðst í dag hvort að íbúar fá að snúa aftur heim

Þrátt fyrir að vind hafi lægt og hætt að snjóa á Vestjörðum í gærkvöldi, er enn hættustig vegna snjóflóða á Ísafirði og óvissuástand á norðan- og sunnanverðum fjörðunum af sömu ástæðu.

Sátu föst í bíl í Eyjafirði

Lögreglan á Akureyri aðstoðaði í nótt fólk, sem sat í föstum bíl í sumarhúsabyggð hinumegin við Eyjafjörðinn. Og þá þurfti björgunarsveit að aðstoða tvo menn í föstum bíl í Fagradal fyrir austan, í nótt, en að örðu leyti er ekki vitað um erfiðleika á vegunum í nótt, enda umferð í algjöru lágmarki samkvæmt teljurum Vegagerðarinnar.

Bíllinn rann í hálkunni

Fimm menn sluppu ómeiddir þegar bíll þeirra rann út af þjóðveginum austan við Selfoss um klukkan fjögur í nótt. Þar og víða á láglendi sunnanlands myndaðist lúmsk glerhálka undir morgun og varar lögreglan í Árnessýslu ökumenn við henni þegar þeir leggja úr í morgunumferðina.

Stal bíl í Breiðholti - lagði svo í bílastæði fyrir framan lögreglumenn

Bíl var stolið í Breiðholti rétt upp úr miðnætti. Þegar lögreglumenn komu á vettvang til að ræða við eigandann, sáu þeir hvar þjófurinn kom akandi á bílnum, lagði honum í stæði, þaðan sem hann hafði stolið honum,og ætlaði að forða sér, en lögreglumenn hlupu hann uppi og handtóku hann.

100 milljóna mengunarskattur

Um áramótin fellur stóriðjan á Íslandi undir viðskiptakerfi Evrópusambandsins (ESB) með losunarheimildir. Flugfélög hafa þurft að kaupa sér heimildir allt þetta ár en Alþingi samþykkti í desember breytingar á lögunum.

Aðeins raunverulegt flokksfólk fái að kjósa

Um áramótin tekur gildi lagabreyting hjá Samfylkingarfélaginu í Reykjavík (SFFR) um að aðeins þeir sem greitt hafa félagsgjald verði fullgildir félagar. Þeir sem ekki greiða félagsgjöldin fyrir áramót fá því ekki að kjósa um formann Samfylkingarinnar í janúar.

Sjóður safnar milljónatugum

Á þeim tólf árum sem Jöfnunarsjóður alþjónustu hefur verið starfræktur hafa safnast í hann 75 milljónir króna í gjöld frá fjarskiptafyrirtækjum umfram arð sem sjóðurinn hefur úthlutað. Þetta kemur fram í nýrri skýrslu Póst- og fjarskiptastofnunar.

Taka sex milljarða úr vasa launagreiðenda

Stjórnvöld brjóta samkomulag sem gert var við undirritun kjarasamninga með því að lækka tryggingagjald aðeins um 0,1 prósentustig um áramótin að mati Samtaka atvinnulífsins (SA).

Komin með nóg af mannanafnalögum

Bloggarinn Eva Hauksdóttir og Jón Gnarr borgarstjóri eru sammála um að mannanafnalög séu öðrum lögum kjánalegri og réttast sé að nema þau úr gildi.

Ásgeir og Ingibjörg seldust mest

Plata Ásgeirs Trausta og bók Ingibjargar Reynisdóttur um Gísla á Uppsölum eru sigurvegarar plötu og bókasölu jólanna

Mikið hringt í vinalínu um jólin

Að vera einmana á jólum er mörgum þungbært. Rauði krossinn hefur haldið úti hjálparlínu þar sem fólki gefst kostur á að hringja og heyra vinalega rödd.

Álag á bráðamóttöku um jólin

„Það hafa verið líkamsárásir og pústrar og heimilisofbeldi og barnaverndarmál og bara allur skalinn,“ segir deildarstjóri.

Álftanes verður Garðabær um áramótin

Fjárhagslegri endurskipulagningu Sveitarfélagsins Álftaness er lokið og hefur innanríkisráðherra leyst frá störfum fjárhaldsstjórn sem skipuð var til að annast verkefnið í samráði við bæjarstjórnina og innanríkisráðuneytið. Fjárhaldsstjórnin annaðist meðal annars samninga við lánardrottna og jafnframt kom fram tillaga sveitarfélagsins um sameiningu sveitarfélagsins við annað sveitarfélag. Var sameining við Garðabæ samþykkt í báðum sveitarfélögunum í haust.

Tindur Jónsson með greiningu á einhverfurófi

Það er gerólíkt að ala upp barn á einhverfurófi sem fengið hefur greiningu og barn á rófinu sem ekki hefur verið greint. Þetta segir Ýr Sigurðardóttir, sem gerðist nýlega yfirlækniir á flogaveikideild við fyrsta nýja barnaspítalann sem opnað hefur í Bandaríkjunum í 50 ár. Ýr er í forsíðuviðtali við Nýtt líf sem kemur út í dag.

Óku inn í snjóflóð

Þrír bílar óku inn í snjóflóð er féll á veginn við Selabólsurð, um 5 kílómetra frá Flateyri, nú seinnipartinn samkvæmt tilkynningu frá Landsbjörg. Sátu bílarnir fastir í flóðinu.

Steinhleðslur við Gömlu höfnina friðaðar

Mennta- og menningarmálaráðherra hefur ákveðið að tillögu húsafriðunarnefndar að friða Tryggvaskála á Selfossi og Seyðisfjarðarkirkju og nær friðunin til húsanna í heild, þ.e. bæði ytra og innra byrðis samkvæmt tilkynningu á heimasíðu vefsins. Þá hefur ráðherra ákveðið að friða elstu mannvirkin við Gömlu höfnina í Reykjavík. Um er að ræða eftirfarandi steinhleðslur, sem gerðar voru á árunum 1913 til 1945:

Varað við óveðri um helgina

Veðurstofan varar við óveðri á Vestfjörðum á föstudagskvöld og á laugardag um allt land, sérstaklega norðantil. Ekkert ferðaveður verður á norðanverðu landinu. Gert er ráð fyrir norðan 20-25 metrum á sekúndu og snjókoma á Vestfjörðum strax annað kvöld en norðan 18-28 metrum á sekúndu um vestanvert landið á laugardagsmorgun. Hægari vindur austanlands. Talsverð eða mikil snjókoma eða slydda á norðanverðu landinu og á Austfjörðum, slydda suðaustanlands, en annars úrkomulítið. Dregur úr vindi og ofankomu vestantil um kvöldið, en hvessir þá austanlands.

Ökklabrotinni konu bjargað

Björgunarfélagið Eyvindur á Flúðum og Sigurgeir í Skeiða- og Gnúpverjahreppi sóttu nú eftir hádegi konu sem slasaðist við Leiði í Þjórsárdalsskógi að því er fram kemur í tilkynningu frá Landsbjörg. Konan var á göngu, rann í hálku og er talið að hún sé ökklabrotin.

Datt í Skriðufellsskógi

Lögreglunni á Selfossi barst tilkynning rétt fyrir klukkan tvö í dag um konu sem hafði dottið í Skriðufellsskógi í Þjórsárdal og að öllum líkindum öklabrotnað.

Bylgjan kynnir mann ársins á morgun

Vísir og Bylgjan minna á valið á manni ársins sem fer fram á vefsíðum Vísis og Bylgjunnar. Í þættinum Reykjavík Síðdegis á morgun sem sendur verður út frá Perlunni, verður svo maður ársins kynntur og heiðraður.

Fimmtán ára strákar brutust inn í skóla

Tveir fimmtán ára piltar voru staðnir að innbroti í Stóru - Vogaskóla í Vatnsleysustrandarhreppi í fyrradag. Lögreglumaður á frívakt sá þá skríða inn um brotinn glugga á skólabyggingunni og gerði lögreglunni á Suðurnesjum þegar viðvart. Piltarnir höfðu brotið rúðu með grjóthnullungi. Þannig komust þeir inn í smíðastofu skólans þar sem þeir rótuðu til. Málið fer í hefðbundinn farveg, meðal annars til barnaverndarnefndar, með tilliti til ungs aldurs piltanna.

Óvissustig á Vestfjörðum - bær við Bolungarvík rýmdur

Snjóflóðavakt Veðurstofu Íslands hefur lýst yfir Óvissustigi á norðanverðum Vestfjörðum og einnig hefur verið ákveðið að rýma bæinn Geirastaði í Syðridal við Bolungarvík samkvæmt tilkynningu frá Almannavörnum.

Hjúkrunarfræðingar komu til aðstoðar eftir bílveltu

Betur fór en á horfðist þegar bílvelta varð við Litlu-Kaffistofuna í morgun. Kona sem var ein á ferð í bílnum slapp lítið slösuð. Eftir að bílinn valt dreif þar að tvo hjúkrunarfræðinga sem aðstoðuðu konuna. Þeir hlúðu að henni inni á Litlu-Kaffistofunni. Lögreglubíll og sjúkrabíll frá Reykjavík komu svo konunni til aðstoðar.

Skipt um hluta girðingarinnar á næsta ári

Fangelsismálastjóri segir að skipt verið um hluta girðingarinnar við Litla-Hraun á næsta ári. Bilun í tækjabúnaði hafi orðið til þess að Matthías Máni náði að strjúka úr fangelsinu en hann var yfirheyrður í morgun.

Ölvaður maður réðst á sjúkraflutningamenn

Ölvaður maður sem sjúkralið hafði farið að sinna á Háaleitisbraut réðst á sjúkraflutningsmenn. Hann hafði fallið niður stiga í húsi, en eftir að búið var að gera að sárum hans réðst hann á sjúkraflutningamennina og þurfti lögregla að handtaka manninn og vista í fangaklefa.

Var Whitney Houston drepin?

Whitney Houston var drepin af fíkniefnasölum og það eru til upptökur úr öryggismyndavélum sem sanna það. Þetta segir Paul Huebl einkaspæjari sem hefur rannsakað dauða hennar síðustu mánuði.

Alls óvíst hvaða áhrif innganga Mónakó og Andorra hefði á EES samninginn

Hugmyndir eru uppi um að þrjú smáríki, þar á meðal Mónakó og Andorra, gangi inn í EFTA samninginn og bætist því í hóp Íslands, Noregs og Lichtenstein sem eru í EES. Össur Skarphéðinsson utanríkisráðherra segir að málið hafi ekki verið borið upp við sig formlega en það hafi verið rætt óformlega á fundi utanríkisráðherra í byrjun desember. Hann segir þó að svo virðist sem málið hafi verið rætt í þaula innan Evrópusambandsins. Engin niðurstaða er komin í málið.

Áramótabrenna að Ásvöllum

Áramótabrenna verður að Ásvöllum, við Tjarnarvelli 7, á gamlárskvöld og verður bálið tendrað kl. 20.30 samkvæmt tilkynningu frá bæjaryfirvöldum í Hafnarfirði.

Stuðningsmenn Bhuttos minnast andláts hennar

Stór hópur fólks í Pakistanska þjóðarflokknum safnast saman í dag til þess að minnast þess að fimm ár eru síðan Benazir Bhutto, fyrrverandi forsætisráðherra landsins, var ráðin af dögum. Bhutto lést í byssu- og sprengjuárás árið 2007 á meðan kosningabarátta hennar stóð yfir. Hundruð þúsunda manna hafa tjaldað nærri ættaróðali Bhuttos í Sindh héraðinu. Atburðurinn í dag þykir vera mikilvægur áfangi á pólitískri vegferð Bilawals Bhutto-Zardari, sonar Bhuttos, og Asif Ali Zardari forseta landsins.

Hæstiréttur sakfelldi 171 níðing á 90 árum

Flestir barnaníðingar eru ungir karlmenn í samböndum og launaðri vinnu. Þolendur eru í langflestum tilvikum ungar stúlkur sem þekkja ofbeldismanninn. 171 karlmaður hefur verið dæmdur sekur fyrir barnaníð í Hæstarétti síðustu 90 ár.

Aðstoða fólk í bílum eftir snjóflóð

Björgunarsveit Landsbjargar á Ísafirði var kölluð út fyrir stundu til að aðstoða fólk í tveimur bílum, sem eru fastir á Kirkjubólshlíð vegna snjóflóðs sem féll þar á áttunda tímanum í morgun. Ekki er vitað til að neitt ami að fólkinu í bílunum, en Vegagerðin hefur nú varað við snjóflóðahætætu í Súðavíkurhlíð, sem tekur við af Kirkjubólshlíðinni.

Réðust á nágranna sem kvörtuðu yfir hávaða

Mikið var um heimapartí með mikilli háreysti víða á landinu í nótt og var lögreglan á Akureyri, Selfossi, í Reykjavík og í Keflavík kölluð á vettvang til að koma skikki á málin. Í Hamraborg í Kópavogi ætluðu nágrannar að biðja fólk að draga úr hávaða, en gestir þar réðust á fólkið og þurftu lögreglumenn að flytja það á Slysadeild, en áverkar voru þó ekki lavarlegir.

Sjá næstu 50 fréttir

Mest lesið