Sjáðu Blika fara á toppinn og glæsimark í Eyjum

Sindri Sverrisson skrifar 16. júlí 2026 11:03

Edith Kristín Kristjánsdóttir var á skotskónum fyrir Breiðablik í gærkvöld. vísir/Vilhelm

Valur og Víkingur eru bæði aðeins einu stigi frá botni Bestu deildar kvenna í fótbolta, eftir töpin gegn ÍBV og Breiðabliki í gærkvöld. Blikakonur komust á toppinn, að minnsta kosti í sólarhring, og Eyjakonur eru aðeins fjórum stigum á eftir þeim. Mörkin úr leikjunum í gær má sjá á Vísi.

Breiðablik kom sér á toppinn með 4-1 sigri gegn Víkingi í Kópavoginum í gærkvöld. Staðan var þó enn markalaus þegar rúmar 70 mínútur voru liðnar en þá braut Edith Kristín Kristjánsdóttir ísinn fyrir Breiðablik.

Líf Joostdóttir van Bemmel bætti svo við glæsilegu marki aðeins tveimur mínútum síðar og Ólöf Sigríður Kristinsdóttir skoraði þriðja mark Blika á 79. mínútu, svo staðan varð allt í einu 3-0 á sex mínútna kafla. Bergdís Sveinsdóttir klóraði í bakkann fyrir Víking undir lokin en Ólöf Margrét Marvinsdóttir bætti við fjórða marki Breiðabliks eftir það.

Í Vestmannaeyjum skoruðu hin færeyska Fridrikka Clementsen og hin bandaríska Allison Lowrey fyrir heimakonur, á 12. og 16. mínútu, og var staðan 2-0 alveg þar til á 89. mínútu þegar Arnfríður Auður Arnarsdóttir náði að minnka muninn með glæsiskoti langt utan teigs.

Besta deild kvenna Breiðablik Víkingur Reykjavík ÍBV Valur

Tengdar fréttir

Breiðablik - Víkingur | Heimakonur skoruðu þrjú á sjö mínútna kafla

Breiðablik vann góðan sigur á Víking á Eikarvellinum í tólftu umferð Bestu deildar kvenna. Breiðablik var lengi að skora fyrsta mark leiksins en náði að skora þrjú mörk á sjö mínútna kafla.

15. júlí 2026 18:32

ÍBV - Valur 2-1 | Ferskir Frakkar, eitraðar Eyjakonur og veiklulegur Valur

ÍBV vann verðskuldaðan 2-1 heimasigur á Val í elleftu umferð Bestu deildar kvenna í fótbolta. Valskonur eru í bullandi fallbaráttu en Eyjakonur komnar aftur á flug eftir strembinn kafla.

15. júlí 2026 20:00

Mest lesið

Fleiri fréttir