Kjartan Kári á leiðinni í Víking

Samkvæmt heimildum Alberts hafa Víkingar og FH náð saman um kaup á þessum öfluga leikmanni.

Kjartan Kári hefur verið orðaður við Víkingsliðið að undanförnu en hann skoraði fyrir FH í kvöld í 1-1 jafntefli á móti KR.

Víkingar hafa misst öfluga sóknarleikmenn í meiðsli á síðustu vikum og voru að leitast eftir því að styrkja liðið. Elías Már Ómarsson sleit krossband og Óskar Borgþórsson ökklabrotnaði en báðir meiddust þeir í Evrópuleik.

Jóhannes Karl Guðjónsson þjálfari FH sagði að Kjartan Kári væri enn leikmaður FH í viðtali eftir leik en bætti því svo við að það væri aldrei að vita hvað gerðist á morgun eða eftir tímabilið.