Segir sitt hlut­verk að fá leik­menn til að trúa á verk­efnið

„Við vorum ekki nægilega agaðir í fyrri hálfleik, við þurftum að sýna meiri aga í síðari hálfleik og við gerðum það,“ sagði Spánverjinn en staðan var 1-0 Arsenal í vil í hálfleik.

„Þetta er stór nágrannaslagur í Lundúnum og við vitum hversu miklu máli þetta skiptir stuðningsfólk okkar. Við munum njóta sigursins, hvíla okkur vel og gera okkur svo klára í næsta leik.“

„Ég vil gefa leikmönnum pláss í búningsherberginu. Þeir vita hvað er undir. Það er það sem heldur liðum saman. Mitt hlutverk er að krefjast þess af þeim og á ákveðnum augnablikum fá þá til að trúa að það sé hægt.“

Um Martin Ödegaard

„Við vissum að hann væri leikmaður með gríðarlega mikla hæfileika og hann gæti orðið enn betri hjá okkur. Við vorum viss um að hann myndi bæta einhverju sérstöku við liðið.“

„Stóra spurningin er alltaf hvernig menn taka svona breyttu hlutverki (að vera fyrirliði). Hann hefur gert það á sinn hátt og er elskaður af öllum, það vilja allir fylgja honum.“

Arsenal er á toppi deildarinnar með 77 stig að loknum 34 leikjum. Liverpool er sæti neðar með 74 stig og leik til góða. Þar á eftir koma Englandsmeistarar Manchester City með 73 stig að loknum 32 leikjum.