Erlent

Árásarmaðurinn í Brussel skotinn af lögreglu

Gunnar Reynir Valþórsson skrifar
Tveir létu lífið í árásinni og þriðji særðist. 
Tveir létu lífið í árásinni og þriðji særðist.  AP Photo/Nicolas Landemard

Árásarmaðurinn í Brussel sem skaut tvo Svía til bana í gærkvöldi og særði einn til viðbótar var skotinn til bana af lögreglu snemma í morgun.

Þetta er fullyrt í belgíska miðlinum HLN sem segir að lögregla hafi farið í aðgerð á kaffihúsi í Schaerbeek hverfinu í Brussel í morgun eftir að hafa fengið ábendingu um að maðurinn væri þar. Skotbardagi braust út í kjölfarið og var maðurinn felldur á staðnum. Riffillinn sem hann notaði í voðaverkinu í gær fannst hjá honum segir blaðið einnig.

Að neðan má sjá svipmyndir frá Brussel í morgunsárið.

Gríðarleg leit var gerð að morðingjanum í gærkvöldi og í nótt sem um fimmþúsund lögreglumenn tóku þátt í. Hættustig í Brussel er nú á efsta stigi eftir árásina og á næst-efsta stigi í restinni af Belgíu. 

Maðurinn er sagður hafa heitið Abdeslam Lassoued, 45 ára gamall Túnisbúi, sem hafi verið ólöglega í Belgíu. Hann mun hafa verið þekktur hjá lögreglu grunaður um ýmsa glæpi og mansal. 

Uppfært 7:44: Innanríkisráðherra Belgíu hefur staðfest að árásarmaðurinn hafi verið skotinn til bana í aðgerðum lögreglu.

Belgía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið