Hvasst á vestan­verðu landinu og vara­samar að­stæður geta skapast

Á vef Veðurstofunnar segir að reikna megi með rigningu norðan- og austanlands, en bjart að mestu sunnan heiða.

Hiti verði á bilinu fjögur til tólf stig, mildast syðst.

„Norðan og norðaustan 5-13 á morgun. Víða rigning um landið norðanvert, en stöku skúrir sunnanlands. Kólnar lítillega,“ segir á vef Veðurstofunnar.

Veðurhorfur á landinu næstu daga

Á þriðjudag: Norðan og norðaustan 5-13 m/s. Rigning um landið norðanvert, en stöku skúrir sunnanlands. Hiti 3 til 9 stig, mildast syðst.

Á miðvikudag: Austan og norðaustan 5-13. Rigning með köflum á Suður- og Vesturlandi, en skúrir eða él um landið norðaustanvert. Hiti frá 1 stigi í innsveitum á Norðausturlandi, upp í 8 stig suðvestantil.

Á fimmtudag: Austan og norðaustan 5-13, en hvessir við suðurströndina. Stöku él, en dálítil rigning á Suður- og Vesturlandi. Kólnar heldur.

Á föstudag: Gengur í hvassa austan- og norðaustanátt með rigningu, en snjókomu til fjalla um landið norðanvert. Hiti 2 til 8 stig.

Á laugardag: Hvöss austanátt og rigning, en dregur úr vindi með deginum. Hlýnar í veðri.

Á sunnudag: Breytileg átt og væta með köflum. Hiti 5 til 11 stig.