Mögulega elsta múmía sem hefur fundist

Viktor Örn Ásgeirsson skrifar 26. janúar 2023 21:13

Fornleifafræðingar að störfum við Step-pýramídann í Saqqara. Getty/Dawood

Fornleifafræðingar í Egyptalandi telja að 4.300 ára gömul múmía sé sú elsta sem fundist hefur í landinu. Múmían fannst á botni fimmtán metra langra jarðaganga í grafhýsi í Saqqara, nálægt höfuðborginni Kaíró.

Múmían er af manni sem nefndur hefur verið Hekashepes. Utan um múmíuna var steypuhræra og henni hafði verið vandlega komið fyrir í steinkistu sem búin var til úr kalkstein.

„Þessi múmía gæti verið elsta og best varðveitta múmía sem fundist hefur í Egyptalandi til þessa,“ sagði Zahi Hawass, fyrrverandi ráðherra minjaverndar í Egyptalandi.

Fleiri múmíur fundust á svæðinu, þar á meðal ein sem tilheyrði Khnumdjedef, sem var meðal annars prestur á valdatíma Unas, síðasta farós fimmtu ættarinnar. Grafhýsið var skreytt með myndum úr daglegu lífi Egypta á valdatímanum. Guardian greinir frá.

Egyptaland Fornminjar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.