Einar Karl lék með Stjörnunni á síðasta tímabili en yfirgaf félagið í haust. Þar áður lék hann með Val um nokkurra ára skeið. Einar Karl hefur leikið 160 leiki í efstu deild og skorað fjórtán mörk.
Þetta verður ekki í fyrsta sinn sem Einar Karl leikur með Grindavík. Hann var í láni hjá liðinu sumarið 2014 og lék þá níu leiki í B-deildinni og skoraði eitt mark.
Grindavík endaði í 6. sæti Lengjudeildarinnar á síðasta tímabili. Eftir það var Alfreð Elíasi Jóhannssyni sagt upp og við starfi hans tók Helgi Sigurðsson. Hann hefur komið tveimur liðum upp úr Lengjudeildinni; Fylki 2017 og ÍBV 2021.
